N.Cəfərli: Getdikcə repressiyalar hakimiyyətə daha baha başa gəlir

ReAl hərəkatının icraçı katibi Natiq Cəfərlinin həbsi təşkilatın müxalif fəaliyyəti təşkilatın müxalif fəaliyyəti və hakimiyyətin siyasi, iqtisadi və sosial məsələlər üzrə siyasətini tənqid etməsi ilə bağlı idi. Bu barədə Turan agentliyinin “Çətin sual” verilişinə müsahibəsində Cəfərli özü bildirib.

O, sözügedən məsələləri həbsinin “əsas” səbəbləri hesab edir.

“ReAl Konstitusiyaya düzəlişlər üzrə referenduma qarşı fəal mövqü tutub. Vərəqələr çap olunub və bu fəallıq hakimiyyəti narahat edib”, deyən Cəfərli ondan başqa hərəkatın daha iki fəalının həbs edildiyini xatırladıb.

Tez bir zamanda azad edilməsinin səbəblərinə gəlincə, bunlardan biri ittihamların cəfəngiyyat olmasıdır. Bu məsələlərlə bağlı 2014-2015-ci illərdə onu 20 dəfə dindiriblər və nəticədə guya vergi pozuntularına görə 400 manat cərimə ediblər.

Bundan başqa, Cəfərli barəsində ölkəni tərk etmək qadağası ləğv olunub.

“Buna görə təkrar araşdırma və nə şahid, nə zərərçəkmiş olmayan ittihamlar üzrə məhkəmə absurd idi”, deyə Cəfərli bildirib.

Qərbin təzyiqi və yerli ictimaiyyətin çağırışları da onun azad edilməsində rol oynayıb.

Hakimiyyətin vətəndaş cəmiyyətinə qarşı repressiyaları iqtisadi problemlər şəraitində hakimiyyətə getdikcə daha baha başa gəlir, deyə o qeyd edib.

Cəfərli təsdiq edib ki, siyasi fəaliyyətini davam etdirəcək, onun həbsi isə ReAl-ın kursunun doğru olduğunu təsdiq edib. Təşkilat əvvəlki kimi referendumun əleyhinədir, amma ReAl Demokratik Qüvvələrin Milli Şurasının mitinqini dəstəkləməyib.

Cəfərli izah edib ki, ReAl-ın prinsipial mövqesi belədir ki, hərəkat təşkil etmədiyi mitinqlərdə iştirak etmir.

Amma hərəkat fəalları fərdi qaydada mitinqdə iştirak ediblər.

ReAl-ın intellektual potensialı sosial şəbəkələrdə və mətbuatda problemin mahiyyətini mitinqdən daha böyük auditoriyaya çatdırmağa imkan verir.

Onun fikrincə, cəmiyyətin böyük əksəriyyəti referendumun mahiyyətindən xəbərsizdir.

İnsanlar iqtisadi və sosial vəziyyətdən narazıdırlar, amma başa düşmürlər ki, bu problemlərin kökündə dövlət idarəetməsinin nöqsanları durur.

“Hakimiyyətin özünə izah etmək lazımdır ki, Konstitusiyaya dəyişikliklər ölkənin problemlərini həll etmir. Bunun üçün bazar iqtisadiyyatını inkişaf etdirmək, biznes üçün rəqabətli mühit yaratmaq, məhkəmələrin müstəqilliyini təmin etmək, vətəndaş cəmiyyətinin güclənməsinə şərait yaratmaq lazımdır”, deyə Cəfərli bildirib.

Referendumdan sonra nə olacağı barədə suala cavabda Cəfərli deyib ki, “maraqlı” dövr başlayacaq.

“Ola bilər ki, vaxtından əvvəl prezident seçkiləri, bəlkə də parlament seçkiləri keçirilsin. Nazirlər Kabinetinin yeni strukturu olacaq. Rejimin hazırda olduğundan daha pis olacağını düşünmürəm, çünki iqtisadi problemlər buna imkan vermir, repressiyalar isə getdikcə daha baha başa gəlir”, deyə o bildirib.

Onun özünə gəlincə, ona qarşı cinayət işi davam edir.

Ondan Bakıdan çıxmamaq haqqında iltizam alınıb.

“Cinayət işi davam edir. Məhkəmə olacaq, onun hansı qərarı qəbu edəcəyini demək çətindir”, deyə Cəfərli bildirib.

Çərşənbə günü şəxsi əşyalarını – sənədlərini, maşınının açarlarını ona qaytarıblar.

Amma kompüteri, həyat yoldaşına nənəsindən qalan zinət əşyalarını qaytarmayıblar. Şəxsiyyət vəsiqəsini və mənzilin sənədlərini də qaytarmayıblar. Xarici pasportu qaytarıblar ki, şəhərdən çıxmamaq haqqında iltizamla əlaqədar pasport ona lazım da deyil.

* Cəfərli avqustun 12-də qanunsuz sahibkarlıq və vəzifə səlahiyyətlərindən sui-istifadə ittihamı ilə həbs olunub. Sentyabrın 9-da məhkəmə qətimkan tədbirini dəyişdirib və Cəfərlini həbsdən azad edib. -06D-