Növbədənkənar parlament seçkiləri ilə bağlı addımların hüquqi əsası varmı? – Hafiz Həsənov Çətin sualda

Bu gün Konstitusiya Məhkəməsi Plenumunun iclası keçirilib. Toplantıda parlamentin 2024-cü il 21 iyun tarixli “Milli Məclisə növbədənkənar seçkilərin təyin edilməsi haqqında Azərbaycan Prezidentinə müraciət edilməsi barədə” Qərarı əsasında Milli Məclisin buraxılmasının və növbədənkənar seçkilər təyin edilməsinin Konstitusiyaya uyğunluğu barəsində Prezidentin sorğusuna baxılıb.

Konstitusiya Məhkəməsinin sədri Fərhad Abdullayev Azərbaycan Respublikası Konstitusiya Məhkəməsinin Plenumunun Qərarını elan edib. Qərarda deyilir ki, “Azərbaycan Respublikasının Milli Məclisinə növbədənkənar seçkilərin təyin edilməsi haqqında Azərbaycan Respublikasının Prezidentinə müraciət edilməsi barədə” Azərbaycan Respublikası Milli Məclisinin 2024-cü il 21 iyun tarixli 1174-VIQR nömrəli Qərarı və bu Qərar əsasında Azərbaycan Respublikası Milli Məclisinin Azərbaycan Respublikasının Prezidenti tərəfindən buraxılması və növbədənkənar seçkilərin təyin edilməsi Azərbaycan Respublikası Konstitusiyasının 981–ci maddəsinə uyğun hesab edilməlidir.

Qəbul edilmiş qərar elan olunduğu andan qüvvəyə minir, qətidir, heç bir orqan və ya şəxs tərəfindən ləğv oluna, dəyişdirilə, yaxud rəsmi təfsir edilə bilməz.

İyunun 21-də Milli Məclis növbədənkənar parlament seçkilərinin təyin olunması ilə bağlı Prezidentə müraciət edib. Hakim Yeni Azərbaycan Partiyası (YAP) İdarə Heyətinin iyunun 20-də gerçəkləşən iclasında parlament seçkilərinin keçirilməli olduğu noyabr ayında ölkədə beynəlxalq tədbirlərin olacağını əsas gətirərək seçkilərin önə çəkilməsi təklif edilmişdi.

Hüquq və İnkişaf İctimai Birliyinin sədri Hafiz Həsənov Kamran Mahmudovun təqdimatında yayımlanan “Çətin sual” verilişində bu barədə danışır.