Növbədənkənar parlament seçkilərində rəqabət olacaqmı? - Hafiz Həsənov saat 16:00-da Çətin sualda
Sentyabrın 1-nə təyin olunmuş növbədənkənar parlament seçkilərində deputatlığa namizədliyin qeydə alınması üçün zəruri seçki sənədlərinin dairə seçki komissiyasına (DSK) təqdim edilməsi prosesi avqustun 2-də başa çatıb. Qanunverciliyə görə, müraciətlərə 7 gün ərzində baxılmalıdır.
Avqustun 9-da təşviqat mərhələsi başlayacaq. Bu isə o deməkdir ki, namizədlərin qeydiyyatı avqustun 8-nə kimi çəkəcək.
Milli Məclisə keçiriləcək növbədənkənar seçkilərdə 950 nəfərin namizədliyinin qeydə alındığı bildirilir. Bu barədə avqustun 5-də Mərkəzi Seçki Komissiyasının sədri Məzahir Pənahov danışıb.
O, seçkidə iştirak üçün 1508 nəfərin müraciət etdiyini, amma onlardan 1462 nəfərin namizədliyinin irəli sürüldüyünü vurğulayıb:
“Deputatlığa namizədliyini irəli sürənlərdən 1420 nəfəri imza vərəqəsi alıb, 1197 nəfər isə imza vərəqələrini qaytarıb, 950 nəfərin deputatlığa namizədliyi qeydə alınıb”.
Məzahir Pənahov seçkilərdə müşahidəçi qismində iştirak etmək üçün indiyədək ümumilikdə 18 min 467 yerli müşahidəçinin akkreditasiyadan keçdiyini əlavə edib.
“Hüquq və İnkişaf” İctimai Birliyinin sədri Hafiz Həsənov Kamran Mahmudovun təqdimatında yayımlanan “Çətin sual” verilişində bu barədə danışır.
Çətin sual
-
Ermənistan regional kommunikasiyalara dair maddənin qarşılıqlı razılaşma əsasında sülh müqaviləsi layihəsindən çıxarıldığı ilə bağlı rəsmi Bakının bəyanatını təsdiqləyib. Bu barədə avqustun 7-də Ermənistan Xarici İşlər Nazirliyinin mətbuat xidmətinin rəhbəri Ani Badalyan danışıb.
-
HƏMAS lideri İsmayıl Haniyənin öldürülməsindən bir neçə gün sonra Azərbaycan Xarici İşlər Nazirliyi vətəndaşları Livana və Fələstinə, daha sonra isə İsrailə səfər etməməyə, orada yaşayanları isə qısa müddətdə həmin ölkəni tərk etməyə çağırdı. Bu da həmin coğrafiyada müharibənin böyüyəcəyi ehtimalını artırır.
-
HƏMAS lideri İsmayıl Haniyənin İranın paytaxtı Tehranda öldürülməsi bir neçə gündür dünyanın əsas müzakirə mövzularından birinə çevrilib.
-
ABŞ və Aİ-nin terrorçu saydığı HƏMAS Fələstin ekstremist qruplaşmasının siyasi lideri İsmayıl Haniyə Tehranda İsrail hücumu nəticəsində qətlə yetirilib. Məlumatı İranın İslam İnqilab Keşikçiləri Korpusu (İİKK) iyulun 31-də səhər yayıb.
Rəy yaz