Prezidentliyə namizəd olmaq istəyənlərə əngəllər yaradılır? – Namizəd Səfərov saat 16:00-da Çətin sualda

Bakı/08.01.24/Turan: Növbədənkənar prezident seçkilərində namizəd statusuna iddiaçılar Mərkəzi Seçki Komissiyasının binası qarşısında etiraz aksiyası keçirərək jurnalistlərə bildiriblər ki, MSK qəsdən onların namizədliklərini qeydiyyata almaq istəmir.

Yanvarın 7-də imzaların toplanması üçün son tarix başa çatıb.

Namizədliyə iddiaçılar bildirib ki, bir həftə ərzində bütün imza vərəqələrini doldurmaq mümkün deyildi, çünki vətəndaşlar bayramda işdə olmayıb.

Fevralın 7-də Azərbaycanda növbədənkənar prezident seçkiləri keçiriləcək. Azərbaycanda prezident yeddi il müddətinə seçilir, prezident yenidən seçkilərdə qeyri-məhdud sayda iştirak edə bilər. Bu günədək qeydiyyata alınmış 3 namizəd var. Hazırkı prezident İlham Əliyev, deputatlar Zahid Oruc və Razi Nurullayev. Seçkilərdə iştirak üçün 17 iddiaçı müraciət etmişdi.

Prezidentliyə namizəd olmaq istəyən, hüquqşünas Namizəd Səfərov Kamran Mahmudovun təqdimatında yayımlanan “Çətin sual” verilişində bu barədə danışır.