Bakı/28.09.18/Turan: Rusiya Azərbaycanın qonşusudur və bu reallığı qəbul etmək lazımdır. Azərbaycan Rusiya ilə münasibətlərini öz maraqlarını nəzərə almaqla və şimal qonşusunun maraqlarına etinasızlıq göstərmədən qurmalıdır. Bu barədə Turan agentliyinin "Çətin sual" verilişinə müsahibəsində Azərbaycanın sabiq xarici işlər naziri Tofiq Zülfüqarov bildirib.
RF prezidenti Vladimir Putinin Azərbaycana səfərinin yekunları ilə bağlı şərh verən Zülfüqarov hesab edir ki, iki ölkə liderləri sentyabrın 1-də onların Soçi görüşündə qaldırılmış məsələlər üzrə danışıqları davam etdiriblər. O, danışıqlarda açıq şəkildə bəyan edilməyən kifayət qədər mühüm mövzuların müzakirə olunduğundan əmindir.
Azərbaycan-Rusiya münasibətlərinin hazırki vəziyyətini səciyyələndirən Zülfüqarov onların Ermənistan-Rusiya münasibətlərinin zəifləməsi fonunda güclənməsi təmayülünü qeyd edib.
Bütün bunların regionun iqtisadiyyatına və təhlükəsizliyinə necə təsir göstərdiyi barədə suala cavabda Zülfüqarov regionlararası əməkdaşlığın gücləndiyini, Azərbaycanın Rusiya bölgələrində böyük investora çevrildiyini qeyd edib.
Digər tərəfdən, iki ölkənin qlobal səviyyədə, xüsusən Şimal-Cənub nəqliyyat dəhlizinin həyata keçirilməsi işində əməkdaşlıq perspektivi görünür.
Tərəflər hərbi-texniki əməkdaşlığı və humanitar sahədə əlaqələri də inkişaf etdirir.
Keçmiş nazirin fikrincə, Putin-Əliyev danışıqlarının əsas mövzularından biri Yaxın Şərqdəki proseslərlə əlaqədar təhlükəsizlik məsələləri olub. Belə ki, Suriya müharibəsinin yekun mərhələsində çox sayda İŞİD döyüşçüsünün zərərsizləşdirilməsi ciddi problemə çevrilir ki, onların əksəriyyəti MDB ölkələrinin vətəndaşlarıdır.
Bu kontekstdə təhlükəsizlik sahəsində əməkdaşlıq məsələləri xüsusi əhəmiyyət qazanır. Bu, Rusiyanı da, Azərbaycanı da, digər region ölkələrini, o cümlədən Türkiyə və İranı da narahat edir, deyə Zülfüqarov bildirib.
Şübhə yoxdur ki, Putinin səfəri zamanı danışıqların faktiki olaraq dondurulması fonunda Qarabağ münaqişəsi də müzakirə olunub. Ermənistan RF tərəfindən verilmiş hərbi təhlükəsizlik zəmanətlərinə arxalanaraq, öz mövqeyini sərtləşdirir və radikallaşdırır. Rusiyanın mövqeyi dəyişərsə, bu, münaqişənin nizamlanmasına birbaşa təsir göstərəcək. Buna görə bu mövzu yuxarılarda hər görüşdə qaldırılır. "Hazırki Rusiya-Ermənistan münasibətləri bizim irəliyə nikbinliklə baxmağımıza imkan verir", deyə Zülfüqarov bildirib.
Azərbaycan və Ermənistan XİN başçılarının sentyabrın 26-da Nyu-Yorkda keçirilmiş görüşünə toxunan Zülfüqarov onun nəticələrini və ümumilikdə ATƏT MQ-nin fəaliyyətini şübhəli qiymətləndirib.
"Hamımız başa düşürük ki, danışıqlara ümid yoxdursa, müharibə qaçılmazdır. Bəlkə də bu, ədaləti bərpa etməyin yeganə yoludur", deyə Zülfüqarov qeyd edib. -06D-
Çətin sual
-
Səhiyyə Nazirliyinin tabeliyindəki İctimai Səhiyyə və İslahatlar Mərkəzinin mülki müdafiə qərargahının rəisi Ədalət Verdiyev həbs edilib. Həm də ehtiyatda olan zabit olaraq, hərbi ekspert kimi fəaliyyət göstərən Ədalət Verdiyev dövlət sirri hesab edilən hərbi məlumatları yaymaqda ittiham olunur. Bu barədə Baş Prokurorluğun mətbuat xidməti məlumat yayıb.
-
Noyabrın 23-də COP29-un pərdələri endikdə, iki həftə davam edən iqlim sammiti Azərbaycanın paytaxtında, Ekologiya və Təbii Sərvətlər naziri Muxtar Babayevin sədrliyi ilə keçirilərək həm rahatlama, həm də narazılıq hissləri ilə başa çatdı. Formal razılaşma elan olunsa da, ora çatmaq üçün keçilən gərgin yol qlobal iqlim dəyişikliyi ilə mübarizəyə bağlılıqda dərin fikir ayrılıqlarını və açıq qalan sualları ortaya qoydu.
-
Noyabrın 23-də BMT-nin İqlim Dəyişikliyi üzrə Çərçivə Konvensiyasına tərəflərin Konfransının (COP29) 29-cu sessiyası Bakıda başa çatdı. Azərbaycan Respublikasının Ekologiya və Təbii Sərvətlər Naziri Muxtar Babayevin rəhbərlik etdiyi konfrans iki həftə davam etdi.
-
Hesablama Palatasının Azərbaycan Respublikasının 2025-ci il dövlət büdcəsi haqqında” qanun layihəsinə verdiyi rəyə görə, gələn il Azərbaycanda minimum əməkhaqqı 400, minimum pensiya məbləği 280, ehtiyac meyarı və yaşayış minimumunun həddi 285 manat götürüləcək.
Rəy yaz