Qaz və elektrik qiymətlərinin artırılması əsaslıdırmı?– Natiq Cəfərli “Çətin sual" qarşısında

Bakı/30.06.21/Turan: Bu gün Tarif (Qiymət) Şurasının növbəti iclası keçirilib. Şura üzvlərinin yekdil qərarı ilə dövlətin həyata keçirdiyi sosial yönümlü siyasət əsas götürülərək əhalinin aztəminatlı hissəsinin mənafelərinə uyğun olan modelə üstünlük verilib. Belə ki, tarif tənzimləməsində optimal yanaşma tətbiq olunmaqla əhali abunəçilərinin təxminən 51%-ni (5 milyon nəfər) əhatə edən istehlakçılar üzrə təbii qazın illik istehlak həcminin 1200 m3-dək (1200 m3 daxil) olan hissəsi üçün tarif dəyişdirilməyib və hazırkı (1 kub metr üçün 10 qəpik) səviyyədə saxlanılıb. İstehlak edilən qazın 1200 - 2500 m3 (2500 m3 daxil) olan hissəsi üçün 1 kub metr üçün 20 qəpik, 2500 m3-dən çox olan hissəsi üçün isə 25 qəpik müəyyənləşdirilib.

İqtisadçı Natiq Cəfərli  Kamran Mahmudovun təqdimatında yayımlanan “Çətin sual” verilişində qaz və elektrik enerjisinin qiymətinin bugünkü artımına münasibət bildirir.