İstanbulda Əbdürrəhim bəy Haqverdiyevin “Yeyərsən qaz ətini,görəsən ləzzətini” pyesinin ilk tamaşası nümayiş etdirilib.
Bakı/01.07.21/Turan: İstanbulun Maltəpə rayonundakı Türkan Saylan adına mədəniyyət mərkəzinin teatr salonunda Azərbaycanın ədəbiyyatının klassiki Əbdürrəhim bəy Haqverdiyevin “Yeyərsən qaz ətini, görəsən ləzzətini” pyesinin ilk tamaşası nümayiş etdirilib.
Türkiyə-Azərbaycan “Vizyon” teatrı tərəfindən səhləşədirilən pyesin rejissoru sənətşünaslıq doktoru Mine Bayrakeri, ümumi koordnatoru Elçin İmanov, bəstəkarı Atilla Dobrucalı, kostyum dekorçusu Lətafət Rafiqqızıdır. Baş rolu “Vizyon” teatrının yaradıcısı, teatr aktrisası Kamalə Nəbibəyova oynayıb.
Türkiyə sənətsevərlərinin yaxından maraq göstərdiyi “Yeyərsən qaz ətini,görərsən ləzzətini” pyesinin ilk tamaşasından sonra Turan İnformasiya Agentliyinə açıqlama verən Kamalə Nəbibəyova deyib: ”Bu teatrı yaratmaqda əsas məqsədimiz Azərbaycanın və Türkiyənin peşəkar sənətkarları bir yerə toplayaraq klassik və müasir pyesləri tamaşaya qoymaqdır. Əsas kriteriyamız-peşəkarlıqdır. Bu şəraiti bizə yaradan Maltəpə rayonunun bələdiyyə sədri hörmətli Kılıça minnətdarlığımızı bildirirəm. Biz bu əsəri 1870-ci ildə Şuşada anadan olmuş Azərbaycan ədəbiyyatının və dramaturgiyasının klassiki Əbdürrəhim bəy Haqverdiyevin anadan olmasının 150 illik yubileyinə hazırlayırdıq. Xoşbəxtlikdən ordumuzun qətiyyəti və qardaş Türkiyənin qərarlı dəstəyi ilə işğal altındakı torpaqlarımızın önəmli hissəsi azad edildi.Şuşanın azad edilməsi və “Yeyərsən qaz ətini, görərsən ləzzətini” pyesinin İstanbulda tamaşaya qoyulması hamımızı sevindirdiyi kimi Əbdürrəhim bəy Haqverdiyevin də ruhunu şad etmişdir. Bu tamaşanı Türkiyənin müxtəlif şəhərlərində nümayiş etdirməklə,yeni əsərləri də tamaşaya hazırlayacağıq”.
“Vizyon” teatrının sahibi Kamalə Nəbibəyova, müxətlif yönlü dəstəklər üçün Türkiyə Mədəniyyət və Turizm Nazirliyinə müraciət edəcəklərini sözlərinə əlavə edib.
2016-cı ilin yayında yaradılan “Vizyon” teatrının səhnəyə qoyduğu ilk əsər Firuz Mustafanın “Müqəvva” pyesi olub.—0—
Mədəniyyət
-
Hər il yanvarın 13-də Litva xalqı 1991-ci ildə müstəqillik uğrunda həyatlarını qurban vermiş qəhrəmanlarını anaraq Azadlıq Müdafiəçiləri Gününü qeyd edir. Bu mühüm tarix, Litva tarixində azadlıq iradəsinin Sovet təzyiqləri üzərində qələbə çaldığı dönüş nöqtəsini simvolizə edir. Həmin gün 14 nəfər həlak oldu, yüzlərlə insan yaralandı, lakin azadlıq arzusu heç vaxt sarsılmadı. Azadlıq Müdafiəçiləri Günü, Litva xalqının keçmişinə nəzər saldığı və azadlığın həqiqi qiymətini dərk etdiyi bir gündür.
-
YARAT Müasir İncəsənət Məktəbinin 2-ci buraxılış məzunları öz yaradıcı təxəyyüllərini “Sonluqdan Sonsuzluğa” adlı sərgi vasitəsilə tamaşaçılarla paylaşırlar.
-
Azərbaycanın zəngin mədəni irsi arasında teatr sənəti xüsusi yer tutur. Lakin bu irsin mühüm bir hissəsi olan bölgə teatrları uzun illər boyu paytaxt tamaşaçısından kənarda qalıb və tamaşaçı auditoriyası paytaxta nisbətən məhduddur. "Bölgə teatrlarının Bakı premyerası" layihəsi, bu boşluğu aradan qaldırmaq məqsədilə həyata keçirilərək, bölgə teatrlarını Bakı səhnəsinə daşımaqla həm yerli teatr sənətinə yeni nəfəs gətirir, həm də mədəniyyətlərarası dialoqu gücləndirir.
-
Tarix elmləri doktoru Cəmil Həsənlinin 2024-cü ilin son günündə “Təbriz-1946-cı il: Milli Hökumətin Zəfər və Faciəsi” kitabı çapdan çıxıb.
Rəy yaz