Qubad İbadoğluya qarşı FETÖ-çu və saxta pul ittihamı. Doğruluq payı varmı? - Rüfət Səfərov Çətin sualda

Bakı/26.07.23/Turan: İyulun 23-də Türkiyə və yerli media yazdı ki, Azərbaycanda FETÖ-ya qarşı əməliyyat keçirilib, dörd nəfər həbs edilib. Yayılan məlumatlara görə, FETÖ-nün Azərbaycandakı keçmiş rəhbərlərindən olan Döyrüş Cəfərov, təşkilatın maliyyə işlərinə cavabdeh olan Gümrah Əbdürəhmanov, “Yurd” adlanan mərkəzin direktoru Ruslan Əliyev və təşkilati işlərə cavabdeh olan Anar Əliyev saxlanılıb.

Daha sonra isə Azərbaycan Demokratiya və Rifah Partiyasının sədri Qubad ibadoğlu saxlanıldı. Daxili İşlər Nazirliyindən yayılan məlumatda bildirilirdi ki, Qubad İbadoğlu  FETÖ ilə əlaqədə şübhəli bilinir. Məlumata görə, FETÖ-çu adı ilə həbs olunan Anar Əliyev ifadəsi zamanı Qubad İbadoğlunun ona saxta dollar satdığını deyib. Bunun əsasında iqtisadçının ofisində axtarış aparılıb. Qubad ibadoğlu məhkəmədə çıxışı zamanı Anar Əliyevi tanımadığını deyib.

Qubad İbadoğluya qarşı Cinayət Məcəlləsinin 204.3.1 (saxta pul və ya qiymətli kağızlar hazırlama, əldə etmə və ya satma – mütəşəkkil dəstə tərəfindən törədildikdə) maddəsilə ittiham irəli sürülüb.

Hüquq müdafiəçisi Rüfət Səfərov Kamran Mahmudovun təqdimatında yayımlanan “Çətin sual” verilişində bu barədə danışır.