Rusiya- Ukrayna müharibəsi 9-cu gün. Zaporojye AES partladılsa, nə baş verə bilər? – Əhməd Əlili “Çətin sual" qarşısında

Bakı/04.03.22/Turan: Rusiyanın Ukraynaya təcavüzünün 9-cu günündəyik. Ukraynada gərginlik hələ də davam edir. 

Rusiya ordusu Ukraynada Zaporojye Atom Elektrik Stansiyasına hücum etdi, böyük fəlakət yaşana bilər.

Rusiya Federasiyası prezidentinin köməkçisi, Rusiya nümayəndə heyətinin rəhbəri Vladimir Medinski Ukrayna tərəfi ilə danışıqların ikinci mərhələsinin yekunlarına dair əldə edilmiş razılaşmaları əhəmiyyətli irəliləyiş adlandırıb. Məsələn, tərəflər əhali üçün humanitar dəhlizlər barədə razılığa gəliblər.

ABŞ Putinin baş aşçısına, Kremlin mətbuat katibinə və digər oliqarxlara qarşı sanksiyalar tətbiq edib.

Ukrayna prezidenti deyib ki, “əgər məğlub olsaq, növbədə Baltikyanı ölkələr, Polşa, Gürcüstan və digərləri olacaq”.

Britaniyanın The Times qəzetinin məlumatına görə, son həftə ərzində Ukrayna prezidenti Vladimir Zelenskiyə qarşı ən az üç sui-qəsd olub. Jurnalistlərin məlumatına görə, Ukrayna liderini öldürmək üçün iki fərqli qrup - Kremlyönlü Vaqner qruplaşmasının muzdluları və çeçen xüsusi təyinatlıları göndərilib. Hər dəfə sui-qəsd Ukrayna ilə müharibənin əleyhinə olan Rusiya FTX-nin əməkdaşları sayəsində baş tutmayıb, deyə nəşr yazıb.

Son baş verənləri siyasi şərhçi Əhməd Əlili Kamran Mahmudovun təqdimatında yayımlanan “Çətin sual” verilişində şərh edir.