Rusiya- Ukrayna müharibəsi Qarabağ məsələsinə necə təsir edə bilər? – Oktay Qasımov “Çətin sual" qarşısında

Bakı/11.03.22/Turan: Martın 11-nə keçən gecə və cümə günü səhər saatlarında Azərbaycan Silahlı Qüvvələrinin Qarabağdakı mövqeləri müxtəlif istiqamətlərdən atəşə tutulub. Ermənistan hərbi  birləşmələri Azərbaycan ordusunun Füzuli, Xocavənd, Ağdam və Xocalı istiqamətlərindəki mövqelərini atəşə tutub. Bundan əlavə Ermənistan Silahlı Qüvvələrinin bölmələri Azərbaycan ordusunun Kəlbəcər rayonunun Yellicə, Barmaqbinə və Yuxarı Ayrım yaşayış məntəqələri istiqamətlərində yerləşən mövqelərini atəşə tutub.

Rusiya-Ukrayna müharibəsinin davam etdiyi ərəfədə Qarabağda və Ermənistanla sərhəddə atəşkəsin intensiv pozulması ilə yanaşı Xocalı və Xocavənddə hansısa proseslərin baş verdiyi barədə sosial mediada xəbərlər yayılır. Eyni zamanda Rusiya sülhməramlılarının bir hissəsinin Laçın dəhlizi vasitəsilə ərazini tərk etdiklərinə dair videogörüntülər paylaşılıb.

Ötən gün Azərbaycan və Türkiyə dövlət başçılarının, eyni zamanda Azərbaycan xarici işlər nazirinin Rusiya Xarici işlər naziri ilə görüşləri hansısa yeniliklərin olacağı barədə ehtimalları artırıb.

Siyasi şərhçi Oktay Qasımov Kamran Mahmudovun təqdimatında yayımlanan “Çətin sual” verilişində baş verənlərə aydınlıq gətirir.