Rusiya-Ukrayna müharibəsi tezliklə bitəcək, yoxsa müharibə başqa ölkələri də ağuşuna alacaq? – Zərdüşt Əlizadə “Çətin sual" qarşısında

Bakı/01.04.22/Turan: Rusiya- Ukrayna müharibəsi 37 gündür ki, davam edir.

Ukrayna Hərbi Hava Qüvvələrinin iki helikopteri Rusiyanın sərhədə yaxın Belqorod şəhərindəki iri neft bazasına raket zərbələri endirib. Zərbələr nəticəsində bazada güclü yanğın baş verib.

Ukrayna Müdafiə Nazirliyinin bu günə olan məlumatına görə, Rusiya hərbçiləri Kiyev vilayətinin şimalından Belarus sərhədinə doğru çıxarılır.

ABŞ hərbçilərinin proqnozuna görə, Ukraynanın Kiyev, Çerniqov, İzyum və Donbass şəhərləri təhlükə altındadır. Bu istiqamətdə Rusiyanın hava hücumları gözlənilir.

Cənubi Osetiya separatçılarının liderinin Rusiyaya  birləşmək üçün yaxın həftələrdə referendum keçirəcəklərini elan etməsindən sonra Gürcüstan Qərbin Rusiyaya qarşı tətbiq etdiyi maliyyə sanksiyalarına qoşulmaq qərarı verib. Prezident Salome Zurabişvili ötən gün CNN telekanalının efirində bu haqda bildirib.

Bu arada Cənubi Osetiya bölgəsindəki 4-cü Rusiya hərbi bazasından Ukraynaya aparılmış yüzlərlə osetin əsgəri döyüşməkdən imtina edib və geri qaçıblar.

Rusiya-Ukrayna müharibəsi nə vaxt bitəcək? Müharibə başqa ölkələrə də sıçraya bilərmi?

Siyasi şərhçi Zərdüşt Əlizadə Kamran Mahmudovun təqdimatında yayımlanan “Çətin sual” verilişində bütün bu suallara cavab verir.