![Sərhəddə gərginlik. Azərbaycan Ermənistan arasında sülh danışıqlarını pozmaq istəyən hansı tərəfdir? – İlham İsmayıl Çətin sualda](https://turan.az/resized/750/500/resize/media/2023/main/051100042964.webp)
Sərhəddə gərginlik. Azərbaycan Ermənistan arasında sülh danışıqlarını pozmaq istəyən hansı tərəfdir? – İlham İsmayıl Çətin sualda
Bakı/11.05.23/Turan: Mayın 10-u axşam saatlarında Ermənistan silahlı qüvvələrinin bölmələri Basarkeçər rayonunun Zod istiqamətində yerləşən mövqelərindən Azərbaycan Ordusunun üzbəüz mövqelərini müxtəlif növ atıcı silahlardan intensiv atəşə tutmaqla qəsdən təxribat törədib. Bu barədə Müdafiə nazirliyinin məlumatında deyilir.
Qarşı tərəfin hədəfli atəşi nəticəsində Azərbaycan Ordusunun müddətdən artıq həqiqi hərbi xidmət hərbi qulluqçusu Mahmudlu Müslüm Vidadi oğlu başından ağır yaralanıb.Yaralı hərbi qulluqçumuz dərhal hərbi tibb müəssisəsinə çatdırılıb.
Azərbaycan Ordusunun bölmələri tərəfindən zəruri cavab tədbirləri görülüb.
Mayın 11-i səhər saatlarından etibarən Ermənistan silahlı qüvvələri vəziyyəti daha da gərginləşdirərək Zod istiqamətində yerləşən mövqelərindən Azərbaycan Ordusunun üzbəüz mövqelərini minaatanlardan atəşə tutub. Azərbaycan Ordusunun bölmələri tərəfindən zəruri cavab tədbirləri görülür.
Ermənistan tərəfinin məlumatına görə, 4 erməni hərbçısı yaralanıb.
Sülh danışıqlarının intensivləşdiyi bir ərəfədə vəziyyəti gərginləşdirən kimlərdir?
Siyasi şərhçi İlham İsmayıl Kamran Mahmudovun təqdimatında yayımlanan “Çətin sual” verilişində bu barədə danışır.
Çətin sual
-
Azərbaycanda sentyabrın 1-də keçirilən növbədənkənar parlament seçkilərinin ilkin nəticələri açıqlanıb.
-
Növbədənkənar parlament seçkilərinə 2 gündən az vaxt qalıb. Bu gün təbliğat və təşviqatın son günüdür.
-
Azərbaycanın xarici dövlət borcu azalıb, daxili dövlət borcu artıb.
-
Rəsmi Bakı Avropa Şurası Parlament Assambleyasında (AŞPA) Azərbaycan nümayəndə heyətinin əleyhinə səs verən şəxsləri “arzuolunmaz şəxslər” siyahısına salıb.
Rəy yaz