Süni mayalanma olmasın. Hər ailədə 5 uşaq olsun. Bəs uşaqları necə saxlayaq? – Mehriban Zeynalova Çətin sualda

Bakı/14.06.23/Turan: Deputat Siyavuş Novruzov Milli Məclisin ötən günki iclasında “Reproduktiv sağlamlıq haqqında” qanun layihəsi haqda danışarkən deyib ki, bu, bizim milli mentalitetə uyğun qanun layihəsi deyil:

“Süni mayalanma ilə dünyaya uşaq gətirmək olmaz. Əgər biz bu məsələyə hüquqi, tibbi və teoloji nöqteyi-nəzərdən baxsaq, mən teoloji tərəfdən baxanlardanam. Allah qismət etməyibsə, bunun əleyhinə getmək olmaz.”

Bu arada ötən gün Azərbaycanda səfərdə olan Türkiyə Prezidenti Rəcəb Tayyib Ərdoğan Azərbaycan əhalisinin sayı məsələsinə toxunaraq “Türkiyədə əhalinin artımı üçün bir ailədə azı 3 uşaq olmasını deyirdim, Azərbaycanda isə bir ailədə azı 5 uşaq olmalıdır” deyə bildirib.

Hər iki mövzu mediada və sosial şəbəkələrdə xeyli müzakirə olunur.

Təkliflər nə qədər məntiqlidir?

“Təmiz Dünya” İctimai Birliyinin sədri Mehriban Zeynalova Kamran Mahmudovun təqdimatında yayımlanan “Çətin sual” verilişində bu mövzuda  danışır.