Taksi bazarına dövlət niyə müdaxilə edir? – Nazim Bəydəmirli saat 16:00-da Çətin sualda

Bakı/13.06.23/Turan: Milli Məclisin İqtisadi siyasət, sənaye və sahibkarlıq komitəsinin ötən gün keçirilən iclasında “Avtomobil nəqliyyatı haqqında” qanunun müzakirəsi zamanı rəqəmsal inkişaf və nəqliyyat naziri Rəşad Nəbiyev bildirib ki, taksi sahəsində yeni qanunun tənzimlənməsindən sonra qiymətlər qalxacaq. Nazirin sözlərinə görə, dünyanın heç bir yerində Azərbaycanda olduğu qədər taksi xidməti yoxdur. Nazir deyib ki,onların əsas məqsədi taksilərin sayının deyil, taksi gedişlərinin azaldılmasıdır:

“Statistikaya görə, ümumi taksi gedişlərində həcm 1,5-3 km ətrafındadır. Bunu ya ictimai nəqliyyatla, ya da piyada getmək olar”.

Bir qədər əvvəl Azərbaycanda yeni taksi şirkəti, qlobal şirkətlərdən biri fəaliyyətə başladı. Məhz bu şirkəti Azərbaycana Paşa Holdinq gətirdi. Məhz "Paşa Holdinq" taksi biznesinə daxil olandan sonra taksi bazarı tez-tez nazirin və digər məmurların, deputatların dilindən düşmür.

Nə baş verir? Azərbaycanda rəqabətli bazar hesab olunan taksi bazarına da dövlət müdaxilə etmək istəyir? Məqsəd nədir?

İqtisadçı Nazim Bəydəmirli Kamran Mahmudovun təqdimatında yayımlanan “Çətin sual” verilişində bu mövzuda  danışır.