Bakı/04.05.21/Turan: “2021-ci il mayın 3-də “Tələbə Güc Mərkəzi”nin “Tələbəyə Ədalət” adı ilə keçirdiyi aksiyanın məqsədi konkret olaraq Azərbaycan Dövlət İqtisad Universitetinin tələbələrinə dəstək vermək idi. Bunu Turan-ın “Çətin Sual” proqramının mayın 3-də gedən buraxılışında Mərkəzin rəhbərlərindən Əhməd Məmmədli bildirib.
Məmmədlinin sözlərinə görə, aksiya zamanı polis etirazçı tələbələrin bəzilərini saxlayıb, saxlanılanların bəziləri fiziki-psixoloji təzyiqə məruz qalıblar, daha sonra saxlanılanların hamısı sərbəst buraxılıb və bu faktı Daxili İşlər Nazilriyi də təsdiqləyib.
Etirazın səbəbi ilə bağlı isə Məmmədli deyir ki, tələbələr imtahan verilməsinin üsul və qaydalarının dəyişməsini istəyib, universitet isə bundan imtina edib, tələbələrin istəklərinə məhəl qoymayıblar.
Məmmədlinin sözlərinə görə, tələbələrin ilkin istəyi semestr imtahanlarının keçirilməsi qaydasında tələbələrin qərarlarının, rəylərinin isə nəzərə alınmasıdır.
O deyib ki, tələbələrin daha bir tələbi on-layn sistemdə dərs keçirildiyi üçün “qaib” məsələsinin ləğv olunmasıdır.
Tələbələrin üçüncü istəyi isə semestr imtahanı zamanı ədalətliliyin tam təmin olunmasıdır. Tələbələrə görə, qiymətlərin ədalətli verilməsini təmin etmək üçün yoxlamalarda Apellyasiya Komissiyaları da iştirak etməlidir.
Məmmədliyə görə, daha bir tələb bu idi ki, universitetin qərarlarını tənqid etdiklərinə görə, töhmət verilmiş tələbələrin üzərindən töhmətlər götürülsün və tələbələr cəzalandırılmasın.
Məmmədli deyib ki, “Tələbə Güc Mərkəzi” daim tələbələrin yanında olacaq, onların problemlərilə bağlı unuversitet rəhbərərini sorğu-suala tutacaq, amma “Tələbəyə Ədalət” Mərkəzin rəhbər prinsipidir.
Məmmədli deyir ki, aksiyada iştiraka görə onu 3 saatdan çox Bakı Şəhər Baş Polis İdarəsində, Mərkəzin bəzi üzvlərini isə 1 saatdan bir az artıq müxtəlif polis bölmələrində saxlayıblar.
Məmmədli hesab edir ki, bu təzyiqlər onları yollarından döndərə bilməz, çünki, özlərini haqlı bilirlər, qanunun tələblərini pozmadıqları qənaətindədirlər. -05D-
Çətin sual
-
Noyabrın 11-dən Bakıda start götürən Birləşmiş Millətlər Təşkilatının İqlim Dəyişikliyi üzrə Çərçivə Konvensiyasının Tərəflər Konfransının 29-cu (COP29) sessiyası davam edir. Konfran ayın 22-dək davam edəcək. Bu ərəfədə Beynəlxalq təşkilatlardan AZərbaycana insan haqları ilə bağlı çağırışlar davam edir.
-
Donald Trampın ABŞ Prezidenti vəzifəsinə yenidən seçilməsinə nə səbəb oldu? Onun idarəçiliyi iki ölkə arasındakı əlaqələrə necə təsir edəcək? ABŞ siyasətində Azərbaycanda insan hüquqları və demokratiya məsələləri hansı yer tutacaq?
-
Noyabrın 11-dən Bakıda COP29 tədbiri keçirilir.
-
Donald Trampın yenidən ABŞ Prezidenti seçilməsi iki ölkə arasındakı münasibətlərə necə təsir edəcək? Azərbaycandakı insan haqları, demokratiya məsələləri ABŞ siyasətində hansı yeri tutacaq?
Rəy yaz