Tərtər işi Avropa Şurasında – Rüfət Səfərov “Çətin sual" qarşısında

Bakı/29.06.21/Turan: Beynəlxalq İşgəncə Qurbanlarına Dəstək Günü ərəfəsində Avropa Şurası Parlament Assambleyasının 24 üzvü Azərbaycanda işgəncələrin araşdırılması təşəbbüsü ilə çıxış edib. 1551 saylı müvafiq sənəd iyunun 25-də Avropa Şurası Parlament Assambleyasının saytında dərc edilib. Araşdırmanın təşəbbüskarı italiyalı senator Robert Rampidır.

Sənəd müəllifləri "Tərtər işi"ndə miqyaslı  işgəncələr faktı ilə əlaqədar  araşdırmanın zəruriliyini bildiriblər.

"Parlament Assambleyası Azərbaycanda işgəncələrə və qeyri-insani rəftara dair məlumatların sayının artmasından narahatdır. Məsələn, 2017-ci ildə Azərbaycanın cəbhə bölgələrindən olan 1000-dən çox hərbçi və mülki şəxs casusluqda və dövlət xəyanətində şübhəli bilinərək saxlanılıb. Onların barəsində 200-dən çox cinayət işi açılıb, onların çoxu işgəncələrə və qeyri-insani rəftara məruz qalıb. 2017-ci il mayın 1-dən 17-dək işgəncələr nəticəsində on bir nəfər həlak olub.

25 nəfər işgəncə altında dindirmə zamanı əldə edilmiş məlumatlar əsasında dövlətə xəyanətə görə mühakimə olunub və yeddi ildən iyirmi ilədək müddətə azadlıqdan məhrumetmə cəzasına məhkum edilib.

İşgəncə altında qətlə yetirilmiş 11 nəfərdən 5-i ölümündən sonra bəraət alıb. Azərbaycan hakimiyyəti guya işgəncələrə və qeyri-insani rəftara məruz qalmış 135 nəfərdən yalnız 102-ni zərərçəkmiş kimi tanıyıb. Lakin heç kim dəyən zərərə görə kompensasiya almayıb", - sənəddə deyilir.

Hüquq müdafiəçisi, Müdafiə Xətti təşkilatının həmtəsisçisi Rüfət Səfərovda Kamran Mahmudovun təqdimatında yayımlanan “Çətin sual” verilişində mövzu ilə bağlı suallara cavab verib. --0--