“Tərtər işi”nin yeni istintaqı bu işin açılmasını istəyən fəallara qarşı yönəlib? – Ərəstun Oruclu “Çətin sual" qarşısında

Bakı/31.01.22/Turan:  "Tərtər işi"nin fiqurantlarına qarşı işgəncə faktlarını fəal şəkildə ictimailəşdirən hüquqşünas İlham Aslanoğlu (Təhməzov) böhtan ittihamı ilə 5 ay müddətinə həbs edilib. Yanvarın 28-də Yevlax rayon məhkəməsi Aslanoğlunu 147.2-ci (ağır cinayət törətmək haqqında böhtan) maddə ilə təqsirli bilib və beş ay müddətinə azadlıqdan məhrumetmə cəzasına məhkum edib. Fəal məhkəmə zalında həbs edilib.

İş üzrə iddiaçı 44 günlük müharibədə həlak olmuş Vasif Quliyevin atası Tahir Quliyevdir. Onun iddiasına Aslanoğlunun sosial şəbəkələrdə 2017-ci ildə Tərtər işi üzrə istintaq zamanı işgəncə ilə öldürülən baş leytenant Adil Sabirlinin ölümündə Vasif Quliyevin əli olması barədə bəyanatı səbəb olub. Aslanoğlu Adil Sabirlinin atasına istinadla belə bir bəyanat verib.

"Tərtər işi" üzrə yeni cinayət icraatı təyin edilməsi əks nəticələr verir? “Tərtər işi”nin yeni istintaqı bu işin açılmasını istəyən fəallara qarşı yönəlib?

Siyasi şərhçi, “Tərtər işi”ni gündəmdə saxlayan fəallardan biri Ərəstun Oruclu Kamran Mahmudovun təqdimatında yayımlanan “Çətin sual” verilişində bu və digər suallara cavab verir.