Tofiq Yaqublu saxlanıldı. Həbslər niyə baş verir? – Seymur Həzi Çətin sualda

Bakı/15.12.23/Turan: Milli Şuranın və Müsavat Partiyasının üzvü Tofiq Yaqublu ötən gün Nərimanov Rayon Polis İdarəsinin əməkdaşları tərəfindən saxlanılıb və evində axtarış aparılıb. Tofiq Yaqublunun qızı Nigar Həzi facebookda yazıb ki, axtarış zamanı evdən guya pul aşkarlanıb. O, bu pulu əməliyyatçıların qoyduğunu bildirib:

“Evimizdən pul “tapılıb”. 5 min avro, 2500 manat və nə qədərsə dollar qoyublar”.

Daha sonra məlum olub ki, Tofiq Yaqubluya qarşı dələduzluq ittihamı irəli sürülüb. Vəkili Aqil Layic deyib ki, Yaqubluya Cinayət Məcəlləsinin 178.3.2 (külli miqdarda ziyan vurmaqla dələduzluq), 320.1-ci (rəsmi sənədləri, dövlət təltiflərini, möhürləri, ştampları, blankları saxtalaşdırma, qanunsuz hazırlama və ya  satma) maddələri ilə cinayət işi açılıb:

“Bu, dələduzluq, saxta sənədlərin hazırlanması və ondan istifadə olunması deməkdir. Yəni bir növ mühacir alverinə bənzər bir şeydir. Tofiq bəy bu ittihamları rədd edir və həbsini siyasi fəaliyyəti ilə əlaqələndirir”.

Onun sözlərinə görə, Tofiq Yaqublu təqsirləndirilən yox, şübhəli şəxs qismində saxlanılıb.

Baş verənlərlə bağlı Tofiq Yaqublunun ailə üzvü, AXCP sədrinin müavini Seymur Həzi Kamran Mahmudovun təqdimatında yayımlanan “Çətin sual” verilişində danışır.