![mfa.gov.az](https://turan.az/resized/news/2023/gokGgGcVMCGDJhk0rKng0YcAH8yhXOnzRMB0YXtC-750-500-resize.webp)
mfa.gov.az
ABŞ-ın yeni səfiri etimadnaməsinin surətini Azərbaycan xarici işlər nazirinə təqdim edib
Bakı/15.12.23/Turan: Dekabrın 15-də Azərbaycan xarici işlər naziri Ceyhun Bayramov ABŞ-ın yeni təyin olunmuş səfiri Mark Libbini qəbul edib.
Azərbaycan Xarici İşlər Nazirliyinin məlumatına görə, görüş zamanı səfir Mark Libbi etimadnaməsinin surətini nazir Ceyhun Bayramova təqdim edib.
Görüşdə iki ölkə arasında ikitərəfli və çoxtərəfli əməkdaşlıq gündəliyi, regionda mövcud vəziyyət, habelə Azərbaycan və Ermənistan arasında normallaşma prosesinin perspektivləri müzakirə olunub.
“Azərbaycanla ABŞ arasında bir sıra istiqamətlərdə tarixi əməkdaşlıq münasibətlərinin əhəmiyyəti və qarşılıqlı maraqlar çərçivəsində ikitərəfli münasibətlərin inkişafının vacibliyi qeyd olunub. Nazir Ceyhun Bayramov Azərbaycanın Ermənistanla sülh prosesinin əsas elementlərinin təşəbbüskarı kimi bölgədə sülh və sabitliyin bərqərar edilməsində maraqlı tərəf olduğunu vurğulayıb”, məlumatda qeyd edilir.
Xarici İşlər Nazirliyi bildirir ki, görüşdə, habelə qarşılıqlı maraq doğuran digər ikitərəfli və regional məsələlər ətrafında fikir mübadiləsi aparılıb.
Səfir Mark Libbi də X platformasında etimadnaməsinin surətini təqdiçm etdiyini təsdiq edib.
“Bu gün etimadnaməmin surətini Azərbaycan xarici işlər Naziri Bayramova təqdim etməkdən şərəf duydum. Buradakı fəaliyyətim müddətində ABŞ və Azərbaycan arasında əlaqələri və əməkdaşlığı gücləndirmək üçün çalışmağı səbirsizliklə gözləyirəm”, o qeyd edib. Xatırladaq ki, səfir Mark Libbi dekabrın 2-də Bakıya gəlib.-03-
-
- Siyasət
- 15 Dekabr 2023 17:55
-
- Çətin sual
- 15 Dekabr 2023 22:33
Siyasət
-
İyulun 25-də Azərbaycanın iqtisadiyyat naziri İsrail Xarici İşlər Nazirliyinin baş katibi Yakob Blitşteyni qəbul edib.
-
İyulun 25-də Bakı Ağır Cinayətlər Məhkəməsində narkotik ittihamı ilə həbs edilən fəal İlhamiz Quliyevin cinayət işi üzrə məhkəmə prosesi davam etdirilib.
-
İyulun 25-də Ermənistan Təhlükəsizlik Şurasının katibi Armen Qriqoryan ABŞ Dövlət Departamentinin Cənubi Qafqaz məsələləri üzrə baş müşaviri Lui Bononu qəbul edib.
-
Azərbaycan Prezidenti İlham Əliyev 2021-ci ilin fevral ayında fərmanla təsis edilmiş Prezidentin Təhlükəsizlik Xidməti haqqında Əsasnaməyə dəyişiklikləri təsdiqləyib.
Cəmiyyətdə aqressiyanın artmasının səbəbi nədir? – Samirə Qasımlı Çətin sualda
Xəbər lenti
-
- Cəmiyyət,
- 14:40
- 211
Rəy yaz