Bakı/22.06.21/Turan: İyulun 1-dən Azərbaycanda toy, nişan və doğum günlərinin keçirilməsinə icazə verilib. Nazirlər Kabineti yanında Operativ Qərargahın məlumatına görə, 50-150 nəfərlik toylar üçün COVİD-pasport tələb olunur, tibbi maskalardan istifadə ləğv edilir.
Toylarda xidmət göstərən personalın ən azı 80 faizinin COVİD-pasportu olmalıdır. Toylarda və digər şənliklərdə qonaqların sayı barədə məlumatlar beş gün qalmış icaze-gov.az portalına daxil edilməlidir. Əks halda, tədbirlərin keçirilməsi qadağandır.
Tədbirdə qonaqların sayı 50 nəfərə qədər olarsa, tibbi maskalardan istifadə lazımdır, ancaq COVID pasportu tələb olunmur.
Müvafiq qərar qəbul edilənədək 150-dən çox adamın iştirakı ilə təntənəli tədbirlərin keçirilməsi qadağandır.
Operativ Qərargahın bu gün qəbul etdiyi bu və digər qərarları həkim Adil Qeybulla saat 16:00-da Kamran Mahmudovun təqdimatında yayımlanan “Çətin sual” verilişində şərh edəcək.
Çətin sual
-
İşıq, qaz, su qiymətlərinin qaldırılmasından sonra sosial mediada bəzi tariflərin artırılacağı barədə söhbətlər gəzir. İqtisadçı, REAL Partiyasının sədri Natiq Cəfərli Kamran Mahmudovun təqdimatında yayımlanan “Çətin sual” verilişində bu və gündəmdə olan digər mövzular barədə danışır.
-
Rusiya AZAL təyyarəsinin atəşə tutulmasını etiraf edəcəkmi ? - Arkadi Dubnov Çətin sualda
-
AZAL J2-8243 nömrəli Bakı-Qroznı reysini yerinə yetirən “Embraer 190” təyyarəsinin fiziki və texniki kənar müdaxilə nəticəsində qəzaya uğradığına dair məlumat yayıb. Bildirilir ki, aparılan araşdırmaların ilkin nəticələri və uçuşların təhlükəsizliyində yarana biləcək risklər nəzərə alınıb. Buna görə də Azərbaycan Dövlət Mülki Aviasiya Agentliyinin qərarına əsasən Bakıdan Rusiyanın 10 şəhərinə uçuşlar dayandırılıb.
-
Azərbaycan hökumətindəki mənbələr cümə axşamı Euronews-a çərşənbə günü AZAL-ın təyyarəsinin Aktauda qəzaya uğramasına Rusiyanın "yer-hava" tipli raketin səbəb olduğunu eksklüziv olaraq təsdiq ediblər.
Rəy yaz