Vəfa Nağı: Buna susmaq olmaz

Bakı/08.04.21/Turan: Cəmiyyət belə hallara laqeydliyi, susqunluğu aradan qaldırmayınca bu hadisələrin cəmiyyət həyatından qalxacağı mümkün görünmür. Neftçalada yaşayan icimai fəal Vəfa Nağı bunu Turan-ın “Çətin sual” proqramının apelin 7-də efirə getmiş “Neftçalada azayaşlıların zorlanması iddiası” mövzusuna aid buraxılışında bildirib.  

V.Nağının deməsinə görə, Neftçalada yaşayan fəallardan biri ona 2021-ci il aprelin 3-də Mirqurbanlı kəndində bir azyaşlya təcavüz edilməsi və yolun kənarına atılması barədə məlumat verib. V.Nağı deyir ki, uşağı başqa bir adam tapıb və fəalla həmin evə gediblər, amma həmin şəxs adının kimliyinin ictimailəşdirilməsini istəməyib.  

V.Nağı bildirib ki, uşaq təcavüz barədə onlara danışıb ,  O, deyir ki, həmin uşağın atası ruhi xəstədir. anası da vaxtilə təcavüzə məruz qalıb, kəndi tərk edib.

Onun sözlərinə görə, bibisi uşaqlara göz-qulaq imiş, bibinin  də əri, qaynı nəvəsi azyşalıya təcavüz edib: “İndi azyaşlının 16 yaşı var. Bu təcavüz isə 3 ildir ki, davam edir. Amma elə hesab etmək olmaz ki, bunu heç kəs bilmir. Hamı bilir,  öz aralarında bu barədə gizlin danşırlar, Amma məsələni ictimailəşdirmək istəmirlər. Səbəb də budur ki, “el içində biabır olmaq”dan qorxurlar . Buna görə də reaksiya vermirlər”, deyə V.Nağı .susqunluğun səbəbini göstərir.

V.Nağı deyir ki, bibi hətta azyaşlıya polisə aparıldığı halda ərinin, qaynı nəvəsinin adının çəkməməsini tələb edir və bu onu göstərir ki, bibi də məsələdən xəbərdardır.

İctimai fəala görə, kənddə belə hadisə baş verdiyi halda bələdiyyə sədrinin, kənd icra nümayəndəsinin, sahə müvəkklinin xəbəri olmaması da inandırıcı deyil.

Onun deməsinə görə, kənddə kimsəsiz evlər var, 3-4 nəfər cavan ora toplaşır, azyaşlını həmin evə aparıblar.

V.Nağı deyir ki, məsələni ictimailəşdirdiyinə görə, təzyiqlərə məruz qalmayıb. amma azyşalını yol qırağından tapan ailəyə təhdidlər olur.

V.Nağı əlavə edir ki, yenə də həmin kənddə 12-13 yaşında daha bir azyaşlı təcavüzə məruz qalıb, təcavüz edən 32 yaşında şəxs olub, uşağın səsinə qonşiular gəlib, təcavüzçü polisə aparlıb, sonradan sərbəst buraxılıb: “Fikrimcə,əhalinin baş verniş hadisəni ictimailəşdirmək istəməməsinin səbəbi laqeydliyidir. Müəyyən dərəcədə bir qorxu da var və bunu başqa cür izah etmək olmur”, deyə ictimai fəal bildirib.

V.Nağı deyir ki, rayonun Holqaraqaşlı kəndində 7-ci sinif şagirdi olan bir azyaşlı da təcavüzə məruz qalmışdı, amma üstünü ört-basdır etdilər, atası məktəbdə müəllim idi, təzyiq edirdilər ki, bu məsələnin üstünü açmasın, məktəb biabır olur.

İctimai fəal bildirir ki, bir neçə təcavüz ortada olduğu halda cəmi bir nəfər 59 yaşlı şəxs cinayət məcəlləsinin 152.1-ci (On altı yaşına çatmayan şəxslə cinsi əlaqədə olma və ya seksual xarakterli digər hərəkətlər etmə) maddəsilə ittiham edilir.

Onun fikrincə, bu sərbəst buraxılan şəxslərin sabah yeni cinayətlər törədib-törətməyəcəkləri məlum deyil: “Buna görə də, buradan çıxış yolu susmaqda yox, susmamaqdadır”, deyə ictimai fəal bildirir.-05d-