Vəkil: Sabah belə hallar hesabatlara salınsa...

Bakı/30.04.21/Turan:“Reaksiyalar fərqlidir, burada iki cür yanaşma vardır. Biri hissidir, digəri isə düşüncə tələb edir. Biz düşüncənin yanında olmalıyıq, çünki hüquqi dövlətin təməli qanunçuluqdan keçir”. Hüquqşünas, tanınmış vəkil Əshabəli Mustafayev bunu “Turan”ın “Çətin Sual” proqramının aprelin 30-da efirə gedən buraxılışında ildirib.

Mustafayev deyir ki, övladına ironik münasibət bəslənilən şəhid anası Radə Yusifzadəni, onun qohumlarını  başa düşür, amma hansısa fikrə görə vətəndaşı linc etməyi düşüncə qəbul etmir: “Ona hörə ki, sabah belə hallar “dövriyyə”yə buraxılaraq Azərbaycanda fərqli fikrə münasibətin göstəricisi kimi beynəlxalq sənədlərə düşə bilər”, deyə Mustafayev gələcək təhlükəni göstərib.

Mustafayev deyir ki, Azərbaycan qanunvericiliyində şəhidin, ya hansısa tarixi şəxsin təhqirinə görə, hər hansı cəza nəzərdə tutulmur.  Bununla belə vəkil deyir ki, Cinayət Məcəlləsində 148-ci (təhqir) maddə bu məsələdə tədbir görməyə imkan verir. Bu da xüsusi qaydada məhkəməyə müraciət etməyi nəzərdə tutur.

Mustafayaev hesab edir ki, bu məsələnin ən pis tərəfi odur ki, hər kəs öz baxımı ilə linc qərarı qəbul edərsə, dövlətin hüquqiliyi, hüququn aliliyi və üstünlüyü ölkədə sual altına düşür.

Bu məsələ ilə bağlı məhkəmə orqanlarına müraciət olunmamasına gəlincə, Mustafayev deyir: “Burada bir neçə məsələ ola bilər. Birincisi budur ki, görünür, şəhid ailəsi məcəllələrdə hüquqlarının müdafiəsi üçün yetərli qədər maddələr tapa bilməyib. İkinci səbəb o ola bilər ki, məcəllələrdə belə hallara dair yüksək cəzalar görməyiblər. Amma bu belə vətəndaşa kimi isə cəzalandırmaq ixtiyarı vermir”, deyə Mustafayev  bildirir.

Vəkil deyir ki, hüquq-mühafizə oqranları bu lincə kimi tədbirlər almalı idilər, amma görünür ki, bunu vaxıtnda etməyiblər. Yada salınır ki, vaxitlə Azərbaycanda Milli Qəhrəmanlardan birinə qarşı belə addım atılmışdı və o zaman məhkəmə təcrübəsinə müraciət olunmuşdu.

Mustafayev hesab edir ki, şəhid ailəsi də lincə əl atmaqdansa məhkəmə məsələsinə əl atsa idi daha məqbul olardı: “İndi də gec deyil, məhkəməyə müraciət edilməlidir, çünki, hüquqi qiyməti ancaq məhkəmə verir. İndiki halda Yusifzadə ailəsi məhkəməyə müraciət etməsə baş vermiş hadisəyə huqiq qiymət verilməsinə nai ola bilməyəcək.Çünki, hüquqi qiymət ancaq məhkəmənin qərarı sayılır”.   

Mustafayev deyir ki, hətta uğursuz variant olsa da belə ölkədaxili məsələlərdə yerli məhkəmələrdən istifadə etmək lazmdır və nəticə etibarilə bu addımlar beynəlxalq məhkəmələrə gətirir.

Onun fikrincə, mübahisəli məsələlər varsa, bu məhkəmədə həllini tapmalıdır.

Xatırladaq ki, İkinci Qarabağ müharibəsinin şəhidlərindən Xudayar Yusifzadə Fuad Rəsulzadə adlı vətəndaşın ironik münasibətinə məruz qalıb, nəticədə X.Yusofazdənin qardaşı, dayısıoğlu bə xalasıoğlu tərəfindən döyülüb.  Bununla bağlı istintaqa cəlb edilənlər və ifadələri alınanlar vardır.  -0-