![Фото: YouТube](https://turan.az/resized/media/2020/main/040800025609-750-500-resize.webp)
Фото: YouТube
Dövlət Departamenti (DD) “Rusiya İmperiya Hərəkatı”nı (RİH) və onun rəhbərliyini qlobal terrorçuların xüsusi siyahısına daxil edib. Öz tarixində ilk dəfədir ki, Dövlət Departamenti ağ irqin üstünlüyü barədə nəzəriyyə tərəfdarlarının terrorçu qrupuna qarşı sanksiyalar tətbiq edir.
Prezident Trump bəyan edib ki, "Ölkəmiz yekdilliklə irqçiliyi, dözümsüzlüyü və ağ irqin üstünlüyünün təbliğini pisləməlidir". Bugünkü tədbirlə biz bu həmrəyliyə Dövlət Departamentinin malik olduğu və terrorçuları dəf etməyə yönəlmiş möhtəşəm qüvvəni əlavə edirik.
RİH və onun liderləri Stanislav Anatolyevich Vorobyov, Denis Valiulloviç Qariev və Nikolay Nikolayevich Truşşalov ABŞ-ın milli təhlükəsizliyi və xarici siyasəti üçün təhlükə yaradan terror aktlarına hazırlığı təmin və bu cür qrupa rəhbərlik etdiklərinə görə onlara qarşı 13886 saylı İnzibati Fərmana (İF) edilmiş düzəlişlə 13224 saylı İF-yə uyğun olaraq sanksiyalar tətbiq edilir.
Həmin terrorçuları sanksiyalar siyahısına daxil etməkdə məqsəd onları hücumlara hazırlıq aparmaq üçün zəruri olan ehtiyatlardan məhrum etməkdir. Bu tədbirlər əsasında, digər nəticələrlə bərabər, onların ABŞ-da olan və ya gələcəkdə olacaq, və ya Amerika hüquqi və fiziki şəxslərinin sərəncamında və ya nəzarəti altında olan və ya olacaq bütün əmlak və əmlak maraqları bloklanır, ABŞ vətəndaşlarlına onlarla, bir qayda olaraq, hər hansı bir sazişə girmək qadağan edilir.
RIH Avropadakı ağ suprematist və neonasistlərin hərbiləşdirilmiş təlimlərini həyata keçirir və fəal surətdə bu tip qrupları onların güman edilən düşmənlərinə qarşı vahid mübarizə cəbhəsində birləşdirməyə çalışır. RIH-in Sankt-Peterburqda iki təlim obyekti vardır və onlar, ehtimal ki, meşəlik ərazidə və şəhər şəraitində silahlı hücum, taktiki silah tətbiqi və əlbəyaxa döyüş vərdişləri yaratmaq üçün istifadə olunur. "Rus İmperiya Hərəkatı"na onun banisi və əsas lideri Vorobyov rəhbərlik edir. Qariev RİH-in hərbiləşdirilmiş hissəsi olan “İmperiya legionu”nun rəhbəridir. Truşşalov RIH-in xarici əlaqələr üzrə Koordinatorudur.
2016-cı ildə iki İsveç vətəndaşı RIH-in təlim kursunu keçiblər, sonra isə İsveçin Geteborq şəhərində bir sıra partlayışlar törədiblər. İsveçdə onlar qaçqın sığınacağı, daldalanacaq axtaranlar evi və bir kafe xüsusunda terror aktları həyata keçirməkdə günahkar biliniblər. İsveç prokuroru RİH-i bu şəxsləri terrorçu kimi radikallaşdırmaqda və onlarla müvafiq hazırlıq aparmaqda ittiham edib. RİH həmçinin Almaniya, Polşa və Finlandiyadan olan ağ suprematistlər üçün də hərbi təlim keçirib.
RIH-in sanksiya siyahısına daxil edilməsi Prezident Trumpın 13886 saylı İnzibati Fərman vasitəsi ilə 13224 saylı İF-yə düzəliş etməsi sayəsində mümkün olub və bu, 11 Sentyabr terror aktlarından sonra terrorçulara qarşı sanksiyalar tətbiq etmək xüsusunda federal səlahiyyətlərin ən əhəmiyyətli dərəcədə genişləndirilməsidir. Düzəliş Dövlət Departamentinə sanksiya siyahısına terror aktları törədilməsinə hazırlıqda iştirak edən qrup və şəxsləri, habelə bu cür təşkilatların müəyyən edilmiş liderlərini daxil etmək səlahiyyəti verir.
Sanksiyaların tətbiqi Amerika ictimaiyyəti və beynəlxalq birliyi RİH-in terror aktları hazırlamaqda iştirak etdiyi barədə xəbərdar edir. Sanksiyalar tətbiq edilmiş terrorçularun siyahısına həm ayrı-ayrı şəxslərin, həm də qrupların daxil edilməsi onları ifşa və təcrid edir, eyni zamanda, onların ABŞ-ın maliyyə sistemindən faydalanmasına imkan vermir. Bundan başqa, sanksiyalar ABŞ-ın digər qurumlarının və digər ölkələr hökumətlərinin hüquq-mühafizə tədbirlərinə kömək edə bilər.
Rəy yaz