Vaşinqton/10.06.23/Turan: Cümə günü Bayden administrasiyası Ukrayna üçün təhlükəsizlik sahəsində 2,1 milyard dollarlıq daha bir yardım paketi elan edib. Administrasiya bildirib ki, bu, ukraynalılara Rusiyanın raket hücumlarından qorunmağa kömək etmək üçün " hava hücumundan müdafiə vasitələri və döyüş sursatları"nı nəzərdə tutur, Turan-ın Vaşinqton müxbiri bildirib.
Son paketə hava hücumundan müdafiə sistemləri və HAWK raketləri, həmçinin “Patriot” raket əleyhinə müdafiə sistemləri üçün əlavə döyüş sursatları daxildir. Kiyev həmçinin “Puma” müşahidə- kəşfiyyat dronları, daha çox artilleriya mərmiləri, təlim və xidmət üçün əlavə dəstək alacaq.
"Birləşmiş Ştatlar Ukraynanın savaş meydanında ehtiyaclarının təmin olunması və təhlükəsizlik sahəsində uzunmüddətli ehtiyaclarının ödənilməsi üçün ona imkanlar təqdim etməkdən ötrü öz müttəfiqləri və tərəfdaşları ilə işləməyə davam edəcək", - Pentaqonun cümə günü məlumatında deyilir.
Yeni paketin elan edilməsilə ABŞ Bayden administrasiyası idarəçiliyinin başlanmasından bəri Ukraynaya təhlükəsizlik sahəsində 40,4 milyard dollardan çox, o cümlədən ötən ilin fevralında müharibə başlayandan bəri 39,7 milyard dollardan çox yardım göstərib.
Aleks Raufoğlu
Dünyada
-
Rusiya Prezidenti Vladimir Putin və İran Prezidenti Masud Pezeshkian bu gün Kremldə görüş keçiriblər, bu görüş Rusiya ilə İran arasındakı ikitərəfli münasibətlərdə yeni bir mərhələnin başlanğıcını işarələyir. Rusiya ilə rəsmi səfərdə olan Pezeshkiana, Xarici İşlər Naziri Sergey Lavrov, Baş nazir müavini Vitali Savelyev və digər mühüm Rusiya rəsmiləri də qatılıblar.
-
ABŞ və Aİ tərəfindən terror təşkilatı kimi tanınan Fələstin qruplaşması HƏMAS və İsrail, Qəzzada atəşkəs və girov mübadiləsi barədə razılaşmanı yekunlaşdırıb. Bu barədə İsrail Baş naziri Benyamin Netanyahu ofisi cümə günü səhər məlumat yayıb.
-
Baş nazir Benyamin Netanyahu cümə günü bildirib ki, Qəzza sektorunda saxlanılan girovların geri qaytarılması ilə bağlı razılıq əldə olunub. Bundan əvvəl onun rəhbərlik etdiyi qurum 15 aylıq müharibəni dayandıracaq atəşkəs razılaşmasının bağlanmasında son anda problemlərin yarandığını açıqlamışdı.
-
Rusiya Prezidenti Vladimir Putin və İran Prezidenti Məsud Pezeşkian cümə günü Pezeşkianın Rusiyaya səfəri zamanı Suriyadakı vəziyyət, Yaxın Şərq və İranın nüvə proqramı məsələlərini müzakirə edə bilərlər, bu barədə Kreml cümə axşamı məlumat yayıb. Putin və Pezeşkian, cümə günü strateji əməkdaşlıq üzrə gözlənilən razılaşmanı imzalamağı planlaşdırırlar ki, bu da Qərbin narahatlığına səbəb ola bilər, çünki Qərb hesab edir ki, hər iki ölkə dünya səhnəsinə zərərli təsir göstərir.
Rəy yaz