Vaşinqton/14.06.23/Turan: Çərşənbə axşamı Bayden administrasiyası Ukrayna üçün təhlükəsizlik sahəsində əlavə 325 milyon dollarlıq yardımı elan edib. Buraya raketlər, zirehli texnika daxildir. Bununla ukraynalılara vəd edilmiş silahların ümumi həcmi 40 milyard dollara çatmış olur, Turan-ın Vaşinqtondakı müxbiri bildirib.
Dövlət katibi Entoni Blinken Ukraynaya dəyişməz dəstək vədini təkrarlayaraq yeni bir paketi elan edib.
"Rusiya Ukraynaya qarşı bu əsassız müharibəyə başladı. Rusiya istənilən vaxt öz qoşunlarını Ukraynadan çıxarmaqla, Ukrayna şəhərlərinə və adamlara amansız hücumlarını dayandırmaqla onu bitirə bilər. Rusiya bunu edənə qədər ABŞ və müttəfiqləri, tərəfdaşları lazım olduğu qədər Ukrayna ilə bir olacaqlar", - Blinkenin bəyanatında deyilir.
Yeni yardım paketinə "hava hücumundan müdafiə vasitələri, HIMARS üçün əlavə döyüş sursatları, artilleriya mərmiləri, tank əleyhinə vasitələr, zirehli texnika və döyüş meydanında Ukrayna qüvvələrinin möhkəmləndirilməsi üçün lazım olan digər avadanlıqlar" daxil olacaq”, - Blinken deyib.
Öz növbəsində Pentaqon NASAM Systems üçün əlavə sursatları, Stinger zenit kompleksləri, 155 millimetrlik və 105 millimetrlik artilleriya mərmiləri, 15 Bradley piyada döyüş maşını, 10 Stryker zirehli transportyor, Javelin və AT-4 tank əleyhinə komplekslər, TOW raketləri, 22 milyondan çox atıcı silah və qumbara sursatı, rabitə vasitələri və digər sahə avadanlıqlarından ibarət paketin tam siyahısını açıqlayıb.
Yeni yardım haqqında qərar Ukraynanın çoxdan gözlənilən əks- hücuma başlamasından bir neçə gün sonra qəbul edilib. Məlumata görə, Kiyev kiçik uğurlar qazanıb və Donetsk vilayətinin qərb hissəsində bir neçə kəndi azad edib.
Eyni zamanda, yeni yardımın ayrılmasının elan edilməsi barədə xəbər Rusiyanın gecə zərbələrindən sonra gəlib. Nəticədə prezident Zelenskinin doğma şəhəri Krivoy Roqda ondan çox mülki şəxs həlak olub.
ABŞ-ın son hücumlara reaksiyası ilə bağlı Turan-ın sualının cavabında Dövlət Departamentinin nümayəndəsi Metyu Miller bunu Rusiyanın dəfələrlə aviasiya və raket hücumları ilə Ukraynanın dinc əhalisinə və mülki infrastrukturuna zərbə endirilməsi üzrə sistematik və qəsdən apardığı kampaniyanın son nümunəsi" adlandırıb.
Alex Raufoğlu
Dünyada
-
Avropa İttifaqının Aviasiya Təhlükəsizliyi Agentliyi (EASA) cümə axşamı yeni xəbərdarlıq yayıb. Bu xəbərdarlıqda qeyri-avropalı hava daşıyıcılarına Rusiyanın qərb hissəsinin hava məkanında uçuşlardan çəkinmək tövsiyə olunur, çünki bu ərazidə onun hava hücumundan müdafiə sistemlərinin təsadüfi atəş riski mövcuddur.
-
NATO-nun cənub və Afrika ölkələrinə daha çox diqqət yetirməsi lazımdır, bunu İtaliyanın baş naziri cümə axşamı mətbuat konfransında deyib və Rusiyanın Suriyadakı müttəfiqlərinin süqutundan sonra Liviyanın şərqindəki mövcudluğunu artıra biləcəyinə işarə edi.
-
Gələn ay keçiriləcək seçkilərdə kansler olmağa hazırlaşan alman müxalifət lideri Fridrix Merz deyib ki, Almaniya müdafiəyə daha çox pul xərcləyəcək, lakin ABŞ-ın yeni seçilmiş prezidenti Donald Trampın tələb etdiyi NATO-nun müdafiə xərcləri ilə bağlı hədəflərə can atmayacaq.
-
Türkiyə, Suriyanın son bir ayda baş verən transformasiyasının bölgədə yeni qeyri-sabitliyə yol verməməsi üçün çalışır, prezident Rəcəb Tayyib Ərdoğan İraq kürdlərinin baş nazirinə deyib, bu barədə çərşənbə axşamı Ərdoğanın dəftərxanası məlumat yayıb.
Rəy yaz