![Reuters](https://turan.az/resized/media/2022/main/032300042185-750-500-resize.webp)
Reuters
Aİ Ukraynanın müharibədən sonrakı bərpa Fondu yaradacaq
Reuters: Avropa İttifaqının liderləri bu həftə Rusiyanın işğalından qaynaqlanan dağıntılardan sonra Ukraynanın bərpasının maliyyələşdirilməsinə kömək etmək üçün beynəlxalq fond haqqında razılığa gəlmək niyyətindədirlər, bu barədə sammitin bəyanatının layihəsində deyilir.
Rusiyanın Ukraynanın əsas şəhərlərini, infrastrukturlarını və sənaye obyektlərini məhv etməsi müharibədən sonra bərpa etmək üçün çox böyük vəsait tələb edəcək.
"Rusiyanın Ukraynaya hərbi təcavüzünün vurduğu dağıntıları və böyük itkiləri nəzərə alaraq, Avropa İttifaqı Ukrayna Hökumətinə təxirəsalınmaz ehtiyacları üçün, Rusiya hücumunun dayandırılmasından sonra isə demokratik Ukraynanın bərpası üçün dəstək verməyi öhdəsinə götürür", — deyə sammit liderlərinin martın 24-25-də keçiriləcək və Reuters-in tanış olduğu bəyanatın layhəsində bildirilir.
"Bu məqsədlə Avropa Şurası Ukrayna ilə məqsədli Həmrəylik fondunun yaradılmasına razılıq verir və hazırlığa gecikmədən başlamağa çağırır", - deyə məlumatda qeyd olunur.
Məsələ Ukraynanın faktiki olaraq beynəlxalq maliyyə bazarlarından kəsildiyi və onun Grivnası valyutası çökdüyü faktla mürəkkəbləşəcək.
Aİ-nin bəzi siyasətçiləri Rusiyanın Qərb tərəfindən dondurulmuş aktivlərindən, o cümlədən Rusiya Mərkəzi Bankının təxminən 300 milyard dollar ehtiyatından istifadə etməyə, təcavüzün bitməsindən sonra Ukraynanın bərpası üçün vəsait kimi istifadə etməyə çağırıblar.
AB liderləri başqalarına Fonda kömək etməyə dəvət edəcəklər, layihədə deyilir.
"Avropa Şurası Ukrayna ilə həmrəylik məqsədli Fondu çərçivəsində maliyyələşmənin cəlb edilməsi üçün beynəlxalq konfransın vaxtında təşkilinə çağırır", - deyə Aİ sammitinin nəticələri layihəsində bildirilir.
Dünyada
-
PARİS, 26 iyul (Reuters) – Fransanın prezidenti Emmanuel Makron cümə günü idmançıların Sen boyunca alqışlandığı, rəqqasların Parisin damlarına çıxdığı və Ledi Qaqanın Fransız kabare mahnısını oxuduğu yağışlı mərasimdən sonra Olimpiya Oyunlarını açıq elan etdi.
-
Olimpiadanın açılışına bir neçə saat qalmış Fransanın dəmir yolu şəbəkəsində diversiya olub. Böyük miqyaslı fasilələr 800 min sərnişinə təsir edir, Londondan Parisə Eurostar qatarlarında səyahət vaxtı artacaq.
-
Trampın Ukraynaya Amerika silahlarını almaq üçün lazım olan qədər pul vermək və onların istifadəsinə qoyulan bütün məhdudiyyətləri aradan qaldırmaq imkanı olacaq, Pompeo xəbərdarlıq edib. Moskva Qərbin bu cür hərəkətlərinə cavab vəd edib.
-
Cümə axşamı Filippin sahillərində sənaye yanacağı daşıyan dəniz tankeri batması bir ekipaj üzvünün ölməsinə və neftin dağılmasına səbəb olub, neft paytaxt Manila yaxınlarında sulara yayıla bilər, bu barədə rəsmi şəxslər məlumat verib.
Rəy yaz