Açiq mənbələrdən foto.
Bakı/23.03.22/Turan: Azərbaycanda Rusiya təyyarələrinə həbs qoyulması barədə məlumat həqiqətəuyğun deyil. Bunu Turan-a Azərbaycan Rəqəmsal İnkişaf və Nəqliyyat Nazirliyindən Bakıda Rusiya təyyarələrinə həbs qoyulması ilə bağlı bu ölkənin Nəqliyyat Nazirliyinin rəhbəri Vitali Savelyevin fikirlərini şərh edərkən bildiriblər.
Son bir ay ərzində xaricdə Rusiya aviaşirkətlərinə məxsus 1367 təyyarədən 78-nə həbs qoyulub. Onların Rusiyaya qaytarılmasından artıq söhbət getmir, Savelyev martın 22-də bildirib.
Onun sözlərinə görə, təyyarələrin çoxu Rusiyaya dost olan Türkiyə, Ermənistan, Azərbaycan və digər ölkələrdə saxlanılıb. Hakimiyyət təyyarələrin alınması ilə bağlı danışıqlar aparmağa cəhd edib, lakin xarici şirkətlər danışıqlara hazır deyil.
Rəqəmsal İnkişaf və Nəqliyyat Nazirliyindən isə Turan-a bildiriblər ki, Rusiya Federasiyası Nəqliyyat Nazirliyinin bu bəyanatı həqiqəti əks etdirmir və təəccüb doğurur.
Azərbaycanda Rusiya təyyarələrinə həbs qoyulmayıb.
"Rusiyanın aidiyyatı təşkilatlarını həqiqəti əks etdirməyən bu məlumatı təkzib etməyə çağırırıq", - nazirlikdə deyiblər. —06В-
Siyasət
-
Azərbaycan Prezidenti İlham Əliyev cümə axşamı 2005-ci ildə təsdiq edilmiş məxfi məlumatların siyahısına dəyişiklik edilməsi ilə bağlı fərman imzalayıb. Dəyişikliklər, Azərbaycan Respublikasının Milli Məclisi tərəfindən 22 dekabr 2023-cü ildə qəbul edilmiş “Mühasibat uçotu haqqında” və “Dövlət sirri haqqında” qanunlara edilən düzəlişlərə uyğundur.
-
Yanvarın 23-də Bakı Apellyasiya Məhkəməsi hakim Zamin İbrahimovun sədrliyi ilə “Meydan TV”nin jurnalisti Natiq Cavadlı barədə seçilmiş həbs qətimkan tədbirnin ev dustaqlığı imkan tədbiri ilə əvəz edilməsi barədə vəsatətin təmin edilməməsi barədə Xətai Rayon Məhkəməsinin qərarından verilən şikayəti təmin etməyib. Məhkəmə jurnalisti həbsdə saxlayıb.
-
Yanvarın 23-də Azərbaycan SQ-nin Quru Qoşunları komandanının müavini general-mayor İlqar Lətifov ölkəmizdə rəsmi səfərdə olan Pakistan Silahlı Qüvvələrinin Hərbi Əməliyyatlar üzrə Baş Direktoru general-mayor Abdulla Kəşifin rəhbərlik etdiyi nümayəndə heyəti ilə görüşüb.
-
2025-ci ilin Azərbaycanda "Konstitusiya və Suverenlik İli" elan edilməsi hakimiyyətin bu il konstitusiya referendumu keçirmək planları haqqında şaiyə və təxminlərə səbəb olub.
Rəy yaz