Arnold Şvartsneqqer Almaniyada dəbdəbəli saata görə cinayət məsuliyyətinə cəlb edilə bilər

NBC NEWS:  Almaniya rəsmiləri bildiriblər ki, Arnold Şvartsneqqer Münhen hava limanında gömrük işçiləri tərəfindən saxlanılıb və vergilərə görə cinayət məsuliyyətinə cəlb edilə bilər.

“Terminator”un aktyoru və Kaliforniyanın keçmiş qubernatoru çərşənbə günü gəldikdə adi yoxlama üün saxlanılı və getmək icazəsi alana qədər 2 saat yarm dindirilib, bu barədə NBC News-a hava limanı gömrüyünün nümayəndəsi məlumat verib.

Şvartsneqqerə yaxın mənbə bildirib ki, 76 yaşlı aktyor doğulduğu Avstriyaya xeyriyyə tədbirinə gedərkən ölkəyə gətirdiyi dəbdəbəli saata görə saxlanılıb. Mənbənin sözlərinə görə, saat Şvartsneqqerin iqlim təşəbbüsünü dəstəkləmək üçün cümə axşamı keçiriləcək xeyriyyə hərracında mükafat olacaqdı.

"O, hər addımda əməkdaşlıq edirdi, baxmayaraq ki, bu, bir növ primitiv şantaj, polis haqqında gülməli bir filmi yarada biləcək başdan başa səhvlər komediyası idi”, - mənbə deyib.

“Biz vergi araşdırması ilə bağlı cinayət işi qaldırmışıq. Daha sonra ona Cinayət İşi və Cərimələr Departamentimiz tərəfindən baxılacaq. Nəticənin necə olacağını söyləmək hələ tezdir. Nəzərə alınması lazım olan bir çox amillər var. Bu hələ bir az vaxt aparacaq”, bunu RTL teleşirkətinə Münhen gömrüyünün nümayəndəsi Tomas Mayster deyib.

Mayster izah edib ki, Şvartsneqqerdən şəxsi maliyyə məlumatı təqdim etmək tələb olunub və onun vəkillə məsləhətləşmək imkanı var idi.

"Bütün bunlar müəyyən vaxt tələb edir. Bunu etdikdən sonra o, gömrükdən çıxa bilər", - o bildirib. İşdə növbəti addımların nə olacağına dair heç bir məlumat yoxdur.

Şvartsneqqerə yaxın mənbə bildirib ki, o, bahalı əşyaya görə hər hansı vergilərə görə ilkin ödəniş etməyə razılaşıb, lakin kredit kartı ilə ödənişləri qəbul etmək üçün işləyən bankomat tapa bilməyib. Mənbə bildirib ki, daha sonra polis onu nağd pul çıxarmaq üçün hava limanının bankomatına gətirib, lakin pul çıxarma limiti çox aşağı olub və bank bağlanıb, deyə mənbə bildirib. Kredit kartı verən iki aparat işə düşüb və vergi ödənilib.

"Saat hər halda sabah hərraca çıxarılacaq və Arnoldun bütün qeyri-kommersiya təşkilatları kimi Şvartsneqqerin İqlim Təşəbbüsü də bunu elan edəcək" mənbə çərşənbə günü deyib.

Şvartsneqqer Avstriyanın Kitsbuel dağ-xizək kurortunda cümə axşamı hər il keçirilən dağ xizək yarışına həsr edilən tədbirlər çərçivəsində şam yeməyi və xeyriyyə hərracı keçirməyi planlaşdırırdı.

Fondun press-relizində deyilir ki, mükafatlar arasında Şvartsneqqerlə məşq də var.

Əldə edilən vəsaitlər ekoloji layihələrə və Şvartsneqqerin İqlim Təşəbbüsünün təşkilatçılığı ilə hər il Vynada yüksək səviyyədə keçirilən ümumdünya iqlim konfransına sərf ediləcək.