ABŞ prezidenti Co Bayden Birinci Dünya müharibəsi illərində Osmanlı imperiyasında erməni əhalisinin kütləvi şəkildə məhv edilməsini soyqırımı adlandırıb. "Osmanlı dövründə erməni soyqırımı zamanı həlak olanların hamısını xatırlayırıq", - deyə o, aprelin 24-də şənbə günü bildirib.
Ağ Ev başçısının sözlərinə görə, söhbət Türkiyəni "günahlandırmaqdan" yox, tarixi faktın təsdiqindən gedir. Bayden 1915-ci ildə erməni qırğınını soyqırımı kimi tanıyan ilk amerika prezidenti olub. Bunun ABŞ-ın NATO-dakı müttəfiqi olan Türkiyə ilə münasibətlərini pozacağı gözlənilir. Ötən gün telefon danışığı zamanı o, Türkiyənin lideri Rəcəb Tayyib ərdoğanı bu addımı başa düşməyə çağırıb.
O vaxta qədər ABŞ rəhbərliyi Ankara ilə münasibətləri korlamamaq üçün belə bir qərardan çəkinirdi. Bayden özü seçkiqabağı kampaniyası zamanı söz verib ki, 1915-ci il faciəsinin soyqırımı kimi müəyyənləşdirilməsinə nail olacaq. "Sükut əlbirlik deməkdir", - deyə o, prezidentlik yarışında bildirib.
2019-cu ildə ABŞ Konqresinin Nümayəndələr Palatası və Senat Osmanlı imperiyasında erməni soyqırımının tanınması haqqında qətnaməyə səs verib. Amma rəsmi olaraq ABŞ hələ soyqırımı tanımırdı.
Dünyada
-
Çərşənbə günü səhər ABŞ prezidenti Donald Tramp Rusiya prezidenti Vladimir Putinlə telefon danışığı aparıb, bundan sonra Ukraynadakı müharibəni dayandırmaq üçün dərhal danışıqlara başlanacağı elan edilib. Tramp bu barədə Truth Social platformasında məlumat verərək vurğulayıb ki, onun fikrincə, əgər o, əvvəlki dövrlərdə prezident olsaydı, bu münaqişə baş verməzdi, lakin artıq baş verdiyinə görə, onu bitirmək lazımdır.
-
Ukrayna Prezidenti Volodimir Zelenski cümə günü Reuters-ə verdiyi müsahibədə ölkəsinin geniş nadir torpaq metallarının yataqlarını əks etdirən əvvəllər məxfi saxlanılan xəritəni diqqətlə araşdıraraq keçmiş ABŞ Prezidenti Donald Trampın “müqavilə bağlama” meylinə müraciət etməyə çalışdığını göstərdi.
-
ABŞ prezidenti Donald J. Trampın Rusiya prezidenti Vladimir V. Putinlə Ukraynada müharibənin mümkün sonu barədə telefon danışığı apardığı bildirilir. Bu barədə New York Post məlumat yayıb. Məlumatda söhbətin nə vaxt baş tutduğu və ya Rusiyanın bunu təsdiqləyib-təsdiqləmədiyi açıqlanmır, bu da Trampın münaqişəyə dair qeyri-müəyyən mövqeyinə yeni suallar yaradır.
-
ABŞ Prezidenti Donald Tramp qlobal yardımları dondurdu, o cümlədən Konqres tərəfindən müstəqil media və informasiya azadlığının dəstəklənməsi üçün ayrılmış 268 milyon dollardan çox vəsaitin istifadəsini dayandırdı. Sərhədsiz Reportyorlar (RSF) bu qərarı pisləyərək, qeyri-hökumət təşkilatlarını, media qurumlarını və jurnalistləri qeyri-müəyyən vəziyyətə saldığını bildirib. RSF beynəlxalq donorları müstəqil medianın davamlılığını təmin etmək üçün məsuliyyət götürməyə çağırıb.
Rəy yaz