Hüseyn Abdullayevin əməliyyata ehtiyacı var - vəkil (YENİLƏNİB)

Bakı/04.24.21/ Turan: Vəkil Cavad Cavadov bu gün Ədliyyə Nazirliyi Penitensiar Xidmətinin Müalicə Müəssisəsində müvəkkili, keçmiş deputat Hüseyn Abdullayevlə görüşüb.

Vəkilin Turan-a verdiyi müsahibədə qeyd edib ki, Abdullayev xəstəxanada  rentgen və ultrasəs müayinələrindən keçıb.

Həkimlər Hüseyn Abdullayevə onda prostat adenomasının olduğunu deyiblər. Prostat adenomasının müalicəsinin olmaması  Abdullayevin orqanizmində  intoksikasiyaya səbəb oldu.

Abdullaevin qarın boşluğundan kateterlə təxminən 3 litrə qədər maye çıxarılıb.

Eyni zamanda, Abdullaevdə  daxili qanaxma hələ də dayanmayıb.

Bununla əlaqədar olaraq Abdullaev laparoskopik müayinədən keçiriləcək.

"Çox güman ki, prostat adenoması ilə əlaqədar olaraq cərrahi əməliyyat tələb olunacaq və əlbəttə ki, xəstəliyin  uzun müddət müalicə olunmadığını nəzərə alaraq əməliyatın mülki klinikada  aparmaq zəruridir" dedi.

Abdullaevin səhhətinin həbsdən erkən azadlığa çıxması üçün əsas olub olmadığını soruşduqda vəkil "bunun üçün qanuni mexanizmlər var" deyə cavab verib.

Bundan əlavə, Abdullaev artıq cəzasının yarısını çəkməsi ilə əlaqədar şərti azad etmə hüququna malikdir.

Qeyd edək ki, 21 aprel tarixində Strasburq məhkəməsi, Təşkilatın Əsasnaməsinin 9-cu Qaydasına  istinad edərək, Hökumətdən Abdullayevin səhhəti  ilə əlaqədar görülən tədbirlər barədə məlumat istəyib. - 06B-

*   *   *

2021 Aprel 24 (Şəmbə) 20:10:39

Hüseyn Abdullayev xəstəxanaya köçürülüb

Bakı/24.04.21/Turan: Aprelin 23-də vəkil Cavad Cavadov məhbus Hüseyn Abdullayevin salfetlərində qalan qan ləkələrinin fotolarını Facebook-da dərc etdirdikdən sonra Abdullayevi Ədliyə Nazirliyinin qapalı xəstəxanasına köcürüblər.

Vəkil Turan-a verdiyi müsahibədə Abdullayevin kecirdiyi etiraz aclıgı aksiyasını aprelin 17-də dayandırdıgını deyib. Aclıgı aprelin 12-də başlamışdı, səhhətinin kəskin pisləşməsinin səbəbi həmin aksiya olub.

Cavadovun sözlərinə görə, vəkil Abdullayevin dərhal azadlıga buraxılmasını tələb edir.

Birləşmiş Millətlər Təşkilatının özbaşına həbslər üzrə İşçi Qrupu Azərbaycanda həbsdə olan keçmiş deputat Hüseyn Abdullayevin müraciətini araşdıraraq belə nəticəyə gəlib ki, onun hüquq və azadlıqları pozulub. İşçi Qrupu bu qənaətə gəlib ki, onun İstanbulda saxlanması da, Bakıya təhvil verilib burada barəsində həbs qərarı çıxarıılması da qanunsuz olub.

«Abdullayev İnterpol tərəfindən axtarışda olmadıgı halda onu Türkiyədən qanunsuz olaraq ekstradisiya etdilər. O, azadlıga cıxmalıdlr. Amma Azərbaycan tərəfi Birləşmiş Millətlər Təşkilatınının qərarını tövsiyə xarakterli olmasına görə yetinə yetirmir», - Cavadov deyib.

Xatırladaq ki, 2020-ci ilin oktyabrında Birləşmiş Millətlər Təşkilatının özbaşına  həbslər üzrə İşçi Qrupu Abdullayevin həbsinin və ekstradisiyasının qanunsuz olduğunu tanıyıb və onun azadlığa buraxılmasına çağırıb.

1990-cı illərdə Hüseyn Abdullayev neft və neft məhsulları ilə bağlı biznesdə aparıcı mövqe tutub. 2005-ci ildə parlamentin deputatı olub və Nazirlər Kabinetinin fəaliyyətini tənqid edib. 2007-ci ilin martında parlamentin iclasında deputat Fəzail Ağamalı ilə arasında münaqişə yaranıb.   Lakin təkcə Abdullayevi cəzalandırıblar. Öncə onu həbs ediblər, sonra xuliqanlığa görə şərti olaraq 2 il azadlıqdan məhrum ediblər. 2013-cü ildə Azərbaycandan gedib. Bir müddət sonra ona qarşı vergi ittihamı ilə cinayət işi qaldırılıb. Almaniyada yaşayan Abdullayev kütləvi etirazlara çağıran bir sıra mahnı yazıb və sosial şəbəkələrdə paylaşıb. 2018-ci il aprelin 22-də Almaniyadan Türkiyəyə gəldikdən sonra orada saxlanılıb və Azərbaycana ekstradisiya edilib. Bakıda onu Azərbaycan Cinayət Məcəlləsinin 192.2.2 (qanunsuz sahibkarlıq, külli miqdarda gəlir əldə etməklə ), 178.2.1 (dələduzluq), 178.2.2, 178.2.4 (dələduzluq), 182.2.1 (bir qrup şəxslə

qabaqcadan əlbir olaraq hədə yolu ilə tələbetmə), 182.2.2 (həmin hərəkətlər təkrar törədildikdə) və  182.2.4 (həmin hərəkətlər təkrar törədildikdə,  zərərçəkənə külli miqdarda ziyan vurmaqla) maddələri ilə ittiham olunub. Sonra 6 il müddətinə azadlıqdan məhrum edilib. –0—