Birbaşa yenilənmələr: Zelenski bildirib ki, Ukrayna sövdələşməni müzakirə etməyə hazırdır

Bakı/22.03.22/Turan: Bazar ertəsi axşam Ukrayna prezidenti Vladimir Zelenski bildirib ki, atəşkəs, Rusiya qoşunlarının çıxarılması və Ukraynanın təhlükəsizliyinə zəmanət müqabilində NATO üzvlüyünə nail olmamaq öhdəliyini müzakirə etməyə hazırdır.

"Bu, hamı üçün kompromisdir: NATO ilə bağlı bizimlə nə edəcəyini bilməyən Qərb üçün də, təhlükəsizliyə zəmanəti istəyən Ukrayna üçün də, NATO-nun gələcək genişlənməsini istəməyən Rusiya üçün də", - Zelenski bazar ertəsi axşam Ukrayna telekanallarına müsahibəsində deyib.

O həmçinin Rusiya prezidenti Vladimir Putinlə birbaşa danışıqlara dair çağırışını təkrar edib. Zelenskinin sözlərinə görə, Putinlə görüşməyincə, Rusiyanın müharibəni dayandırmaq istədiyini anlamaq mümkün deyil.

Zelenski bildirib ki, atəşkəsdən və təhlükəsizliyə zəmanətin verilməsi üzrə addımlardan sonra Kiyev  Krımın və Rusiyapərəst separatçıların nəzarətində olan Donbasın şərq regionunun statusunun müzakirəsinə hazır olacaq, AP bildirir.--0--