![Açiq mənbələrdən foto.](https://turan.az/resized/media/2021/main/061700034452-750-500-resize.webp)
Açiq mənbələrdən foto.
Ermənistan “konyak” sözündən imtina edir
Bakı/17.06.21/Turan: Ermənistan istehsalçıları 2043-cü ildən etibarən “konyak” sözündən istifadədən imtina edəcəklər. Onlar bazarı itirməmək üçün yeni ad axtarırlar. Bu barədə TASS-a Ermənistanın baş nazir müavini səlahiyyətlərini icra edən Mqer Qriqoryan bildirib.
Qərar Ermənistan və Avropa İttifaqı arasında genişlənmiş tərəfdaşlıq haqqında saziş çərçivəsində qəbul edilib. Ölkə artıq məhsulların ixracı zamanı “konyak” sözündən istifadə etməyəcək, belə ki, bu terminlə yalnız Fransanın Şaranta departamentində (Konyak şəhəri orada yerləşir) istehsal edilən içkilər adlandırıla bilər.
Həmçinin, 2032-ci ildən etibarən Ermənistanın daxili bazarı üçün də “konyak” adından istifadə qadağan ediləcək. Aİ Yerevana üç milyon avro ölçüsündə maliyyə yardımı verəcək. Qriqoryan vicdansız satıcıların bundan sonra da bu brenddən istifadə edəcəyindən çəkinir.
Aİ-nin proqramı erməni konyakı üçün yeni ad düşünülməsini, onun reklamının və marketinqinin həyata keçirilməsini nəzərdə tutur. Bu proqram Avropa Qonşuluq Aləti çərçivəsində Aİ büdcəsindən maliyyələşdirilir. Son üç ildə erməni konyakının ixrac həcmi təxminən 0,5 milyard dollar təşkil edib, bunun təxminən 79%-i Rusiyaya ixrac edilib. -02D-
-
- Cəmiyyət
- 17 İyun 2021 13:30
-
- İqtisadiyyat
- 17 İyun 2021 13:36
Dünyada
-
Reuters: Bu ilin COP29 BMT iqlim danışıqlarına üç aydan az qalmış, ölkələr sammitin ən böyük vəzifəsi olan inkişaf etməkdə olan ölkələrin iqlim dəyişikliyinə uyğunlaşmasına kömək etmək üçün yeni maliyyələşdirmə hədəfi üzərində razılığa gəlməkdən uzaqdır.
-
Sir Keir Starmerin Ukraynaya dəstək məsələsində effektiv qlobal liderlik göstərmək səyləri, Downing Street-in Kiyevə Rusiya ərazisində dərin hücumlar başlatmaq üçün həlledici imkanlar təmin edə bilməməsi ilə müəyyən qədər zəiflədilir.
-
Ukrayna Prezidenti Volodimir Zelenski cümə günü ölkənin hava qüvvələri komandanını vəzifədən azad etdi, bu hadisə, Ukraynanın Qərb tərəfdaşlarından aldığı F-16 təyyarəsinin Rusiya bombardmanı zamanı qəzaya uğraması və pilotun həyatını itirməsindən dörd gün sonra baş verdi.
-
Kamala Harris, prezidentliyə Demokratların namizədi kimi ilk rəsmi müsahibəsində ABŞ-ın cənub sərhədində miqrasiyaya daha sərt yanaşma tətbiq edəcəyini və İsrailə silah göndərilməsini davam etdirməyi dəstəklədiyini bəyan etdi.
Rəy yaz