Açiq mənbələrdən foto.
Bakı/06.04.21/Turan: Ermənistanın Milli Təhlükəsizlik Xidməti dövlətə xəyanət faktı üzrə cinayət işinin ilkin istintaqını yekunlaşdırıb. Milli Təhlükəsizlik Xidmətinin mətbuat mərkəzinin çərşənbə axşamı verdiyi məlumata görə, adı açıqlanmayan Ermənistan vətəndaşı dəfələrlə Türkiyəyə səfər edib, burada Azərbaycan kəşfiyyatı tərəfindən əməkdaşlığa cəlb edilib.
Təqsirləndirilən şəxs müntəzəm olaraq Azərbaycan kəşfiyyatına erməni ordusu, həri texnika haqqında dövlət sirri və hərbi sirr təşkil edən məlumatları ötürüb. Bunun üçün o, 1500 dollar alıb.
Bu vətəndaş təqsirləndirilən şəxs qismində cəlb edilib, ondan ölkəni tərk etməmək haqqında iltizam alınıb. Cinayət işi üzrə onun həyat yoldaşı da keçir – o, dövlətə xəyanətə əlbirlikdə ittiham olunur. Dindirmə zamanı onlar etiraf xarakterli ifadələr veriblər, deyə məlumatda bildirilir.
Maraqlıdır ki, dövlətə xəyanət kimi ağır ittiham üzrə “ölkəni tərk etməmək haqqında iltizam” kimi yüngül qətimkan tədbiri seçilib.
Bir müddət əvvəl Ermənistan kütləvi informasiya vasitələri İkinci Qarabağ müharibəsi zamanı Azərbaycanın xeyrinə casusluq ittihamı ilə ən az iki erməni hərbiçinin həbs edildiyi barədə məlumat yaymışdı. Onlardan biri Ermənistan Müdafiə Nazirliyinin keçmiş zabiti idi. -02D-
Dünyada
-
Baş nazir Benyamin Netanyahu cümə günü bildirib ki, Qəzza sektorunda saxlanılan girovların geri qaytarılması ilə bağlı razılıq əldə olunub. Bundan əvvəl onun rəhbərlik etdiyi qurum 15 aylıq müharibəni dayandıracaq atəşkəs razılaşmasının bağlanmasında son anda problemlərin yarandığını açıqlamışdı.
-
Rusiya Prezidenti Vladimir Putin və İran Prezidenti Məsud Pezeşkian cümə günü Pezeşkianın Rusiyaya səfəri zamanı Suriyadakı vəziyyət, Yaxın Şərq və İranın nüvə proqramı məsələlərini müzakirə edə bilərlər, bu barədə Kreml cümə axşamı məlumat yayıb. Putin və Pezeşkian, cümə günü strateji əməkdaşlıq üzrə gözlənilən razılaşmanı imzalamağı planlaşdırırlar ki, bu da Qərbin narahatlığına səbəb ola bilər, çünki Qərb hesab edir ki, hər iki ölkə dünya səhnəsinə zərərli təsir göstərir.
-
Prezident Rəcəb Tayyib Ərdoğan çərşənbə günü xəbərdarlıq edib ki, Türkiyənin Suriyada bütün terrorçuları, o cümlədən "İslam Dövləti" və kürd döyüşçülərini "məğlub etmək" üçün gücü və imkanları var və bütün ölkələri Suriyadan "əllərini çəkməyə" çağırıb.
-
Çərşənbə günü Rusiya Ukraynaya genişmiqyaslı raket zərbələri endirib, bunlardan bəziləri enerji obyektlərinə dəyməklə ölkənin bir neçə bölgəsində elektrik enerjisinin kəsilməsinə səbəb olub, - deyə rəsmi şəxslər bildirib.
Rəy yaz