Egyptian, French and Jordanian Foreign Ministers hold a joint press conference in Cairo

Egyptian, French and Jordanian Foreign Ministers hold a joint press conference in Cairo

Reuters:  İordaniyanın xarici işlər naziri Ayman Safadi çərşənbə günü deyib ki, İsrailin İranın zərbələrinə cavabı bütün regionu dağıdıcı müharibəyə cəl edilməsi üçün real riskə gətirib çıxara bilər.

Dövlət mediası tərəfindən dərc edilən müsahibədə Safadi ölkəsinin regional sabitlik və təhlükəsizlik üçün geniş nəticələrə səbəb olacaq eskalasiyaya qarşı olduğunu bildirib.

"Risklər çox böyükdür. Bu, regionda bizim üçün dağıdıcı nəticələrə səbəb olacaq və ABŞ da daxil olmaqla dünyanın qalan hissəsi üçün çox, çox ciddi nəticələrə səbəb olacaq müharibəyə sürükləyə bilər", - Safadi bildirib.

"Vəziyyət çox təhlükəlidir. Regional partlayış ehtimalı realdır və buna son qoyulmalıdır. Biz əmin olmalıyıq ki, vəziyyət daha da gərginləşməyəcək", - o əlavə edib.

ABŞ-ın sadiq müttəfiqi İordaniya Amerika hava hücumundan müdafiə vasitələrinin köməyi və İngiltərə və Fransanın dəstəyi ilə ölkə üzərindən Qüdsə və İsraildəki geniş hədəflərə doğru uçan İran pilotsuz təyyarələrinin və raketlərinin əksəriyyətini və vurub.

"İndi gərginləşməyə getməməsi üçün İsrailə təzyiq etmək lazımdır", - deyə Safadi bildirib. O deyib ki, Tehran bəyan edib ki, aprelin 1-də İsrailin Dəməşqdəki səfirliyinin binasına hava hücumuna cavab olaraq zərbə endirib və İsrail cavab verməsə, bunu təkrar etməyəcək.

İordaniya Suriya və İraqla həmsərhəddir (hər ikisi İranın marionetlərinin fəaliyyət göstərdiyi ölkədir), həm də  İsrail və İsrail tərəfindən işğal edilmiş İordan çayının qərb sahili ilə qonşudur.

"Biz yanğının ortasındayıq, ona görə də hər iki tərəf anlamalıdır ki, özümüzü qorumaq və bu gərginliyin qarşısını almaq üçün əlimizdən gələni edəcəyik", - Safadi bildirib.

Safadi xəbərdarlıq edib ki, yeni zorakılıq baş verərsə, ölkəsi qətiyyətlə hərəkət edəcək və İordaniya “nə İrana, nə də İsrailə krallığı döyüş meydanına çevirməyə” icazə verməyəcək.

"Biz xalqımızı təhdid edən, suverenliyimizi pozan və iordaniyalılar üçün təhlükə yaradan istənilən raketi məhv edəcəyik. Biz bunu həm İsrailə, həm də İrana açıqladıq", - o deyib.

İraqdan gələn və İordaniyanın cənubu və Əqabə şəhəri üzərindən İsrailin Eylat limanına gedən İran pilotsuz təyyarələri də ələ keçirilib.

İsrailin baş naziri Benyamin Netanyahu İranla qarşıdurmadan diqqəti Qəzza zolağından yayındırmaq üçün istifadə edib, Safadi bildirib. İsrail liderinin “Vaşinqtonu və böyük Qərb dövlətlərini İranla müharibəyə sürükləməsinə icazə verilə bilməz”, o əlavə edib.

Rəy yaz

Dünyada

İran Prezidentinin həlak olduğu hadisə Azərbaycan- İran münasibətlərinə təsir edə bilərmi? – Nəsimi Məmmədli Çətin sualda



Bizi sosial şəbəkələrdə izləyin

Xəbər lenti