İran 932 mil mənzilli yeni hücum pilotsuz təyyarəsi hazırlayıb

BI: Məlumata görə, İran Rusiyanın Ukraynaya qarşı müharibəsində istifadə etmək üçün yeni hücum və kəşfiyyat pilotsuz təyyarəsi hazırlayıb.

“Sky News” adı açıqlanmayan təhlükəsizlik mənbəsinə istinadən xəbər verir ki, “Şahed-107” 932 mil təxmini uçuş məsafəsinə malikdir və Ukraynada bahalı Qərb avadanlıqlarını axtarmaq və məhv etmək üçün istifadə edilə bilər.

“Business Insider” müstəqil olaraq bu iddianı təsdiqləməyib.

Mənbə nəşrə bildirib ki, pilotsuz uçan aparatının hazırlanması “İran tərəfindən Rusiyanın Ukraynaya qarşı maraqlarını dəstəkləmək üçün həyata keçirilən mühüm layihələndirmə işi”dir..

Mənbə nəşrə bildirir ki, təxminən 2 milyon dollarlıq müqavilə çərçivəsində Rusiyaya bir neçə pilotsuz təyyarə təklif olunub.

“Şahed” seriyasının bir hissəsi olan “Şahed 107”nin qanadlarının təxminən 10 fut və uzunluğunun təxminən 8 fut olduğu bildirilir.

O, avtomobildən buraxıla bilər və Rusiya nümayəndələrinin iştirakı ilə İranın mərkəzindəki aviabazada sınaqdan keçirilib, deyə mənbə “Sky News”a bildirib.

Bildirilir ki, PUA operatora real vaxt rejimində hədəfləri müəyyən etməyə imkan verən canlı yayım imkanları ilə təchiz oluna bilər.

İran uzun müddətdir ki, Ukraynanın işğalında istifadə üçün Rusiyaya pilotsuz aparatlar verdiyini təkzib edir və Xarici İşlər Nazirliyi “Business Insider”in sorğusuna dərhal cavab verməyib.

Bununla belə, Ukraynanın Qərb müttəfiqləri, hərbi ekspertlər və müstəqil jurnalistlər arasında geniş konsensus onu göstərir ki, İran bütün münaqişə boyu Rusiyaya bir neçə növ pilotsuz təyyarələr verib.