![Məsim Hacıyev](https://turan.az/resized/media/2019/main/011900016262-750-500-resize.webp)
Məsim Hacıyev
İstanbulda 20 yanvar şəhidlərinin xatirəsinə həsr edilmiş foto sərgisi açılıb
Bakı/20.01.19/Turan: İstanbulun Avropa qitəsiylə Asiya qitəsini bir-birinə birləşdirən Marmaray dənizaltı dəmiryolunun Yenikapı stansiyasında 20 yanvar şəhidlərinin xatirəsinə həsr edilmiş foto sərgisi açılıb.
Azərbaycanın İstanbul baş konsulluğunun təşkil etdiyi sərginin açılış mərasimində baş konsul Məsim Hacıyev iştirak edib.50-yə yaxın fotonun nümayiş etdirildiyi sərgiyə İstanbul ictimaiyyətinin marağı böyük olub.
Fotoların nümayiş etdirildiyi yerdə Azərbaycanlı tələbələr növbə ilə keşik çəkərək ictimaiyyət nümayəndələrinə 20 yanvar 1990-cı ildə sovet ordusunun Bakıda törətdiyi qırğın barədə ətraflı məlumat veriblər.
Foto-sərginin açılışında mediaya açıqlama verən Azərbaycan Respublikasının İstanbuldakı baş konsulu Məsim Hacıyev "Əsas məqsədin 20 yanvar faciəsi barədə Türkiyə ictimaiyyətinə daha geniş məlumat vermək və İstanbuldakı Azərbaycan mənşəli insanların "azadlıq" və "müstəqil dövlət" məfhumları ətrafında daha sıx konsolidə etmək olduğunu" vurğulayıb.
Avropa və Asiya qitələrini dənizaltı dəmiryolu vasitəsiylə birləşdirən Yenikapı stansiyasından hər gün qarşılıqlı şəkildə təxminən 500 min insan keçir.Azərbaycan Respublikasının İstanbuldakı baş konsulluğu dənizaltı dəmiryolu stansiyasında foto sərgisi açmaq üçün rəsmi icazəni İstanbul valiliyindən alıb.
-
- Siyasət
- 20 Yanvar 2019 01:19
Dünyada
-
Reuters: Bu ilin COP29 BMT iqlim danışıqlarına üç aydan az qalmış, ölkələr sammitin ən böyük vəzifəsi olan inkişaf etməkdə olan ölkələrin iqlim dəyişikliyinə uyğunlaşmasına kömək etmək üçün yeni maliyyələşdirmə hədəfi üzərində razılığa gəlməkdən uzaqdır.
-
Sir Keir Starmerin Ukraynaya dəstək məsələsində effektiv qlobal liderlik göstərmək səyləri, Downing Street-in Kiyevə Rusiya ərazisində dərin hücumlar başlatmaq üçün həlledici imkanlar təmin edə bilməməsi ilə müəyyən qədər zəiflədilir.
-
Ukrayna Prezidenti Volodimir Zelenski cümə günü ölkənin hava qüvvələri komandanını vəzifədən azad etdi, bu hadisə, Ukraynanın Qərb tərəfdaşlarından aldığı F-16 təyyarəsinin Rusiya bombardmanı zamanı qəzaya uğraması və pilotun həyatını itirməsindən dörd gün sonra baş verdi.
-
Kamala Harris, prezidentliyə Demokratların namizədi kimi ilk rəsmi müsahibəsində ABŞ-ın cənub sərhədində miqrasiyaya daha sərt yanaşma tətbiq edəcəyini və İsrailə silah göndərilməsini davam etdirməyi dəstəklədiyini bəyan etdi.
Rəy yaz