Latviyanın təşəbbüsü ilə COVID-19 kontekstində “infodemik” ilə mübarizəyə çağırış 130 ölkədə təsdiqlənib

COVİD-19 kontekstində Latviya tərəfindən irəli sürülən təşəbbüsü davam etdirən Birləşmiş Millətlər Təşkilatının 130 ölkəsi dezinformasiyanın geniş yayılmasına qarşı, başqa sözlə “infodemik”-lə mübarizə haqqında birgə bəyanatlla çıxış ediblər.

Yenicə nəşr olunmuş bu bəyanat insanlara dezinformasiya və yanlış məlumatlar ilə mübarizə aparmağa və cəmiyyətin dayanıqlığını artırmağa komək etməkdə dövlətlərin, regional təşkilatların, BMT sistemi və digər tərəfadşların – kütləvi informasiya vasitələrinin, sosial media platformaları və QHT-lərin rol və öhdəliklərini açıq şəkildə qeyd edir.

COVİD-19 böhranı göstərdi ki, ödənişsiz, etibarlı, elmi əsasları olan məlumatların əlyetərli olması çox vacibdir. Dövlətlər dezinformasiyanın yayılmasına qarşı mübarizə və öz ölkələrinin sakinlərinin COVİD-19  haqqında etibarlı mənbələrdən faktiki və dəqiq məlumatların əldə edə bilməsi üçün tədbirlər görməyə çağırılır. Bu bəyanət mətbuat da daxil olmaqla ifadə azadlığının vacibliyini önə çəkir və jurnalistlərin və digər media işçilərinin təhlükəsizliyinin qorunmasının təmin edilməsini xüsusi ilə vurğulayır.

Latviya Xarici İşlər Nazirliyinin məlumatında deyilir ki, dezinformasiyaya qarşı mübarizə Latviyanın həm ikitərəfli əməkdaşlıqda, həm də çoxtərəfli forumlarda uzun müddətli prioritet sahələrindən biridir.-0---