![Глава Facebook Марк Цукерберг на выступлении в Конгрессе США](https://turan.az/resized/750/500/resize/media/2018/main/041000009259.jpg)
Глава Facebook Марк Цукерберг на выступлении в Конгрессе США
Mark Zukerberq Konqresdə ifadə verdi (Video)
"Bu mənim səhvim olub, və mən üzr istəyirəm," Konqresdə ifadə verən Mark Zukerberq bildirib. "Facebooku mən başlamışam, və onu mən idarə edirəm. Və orada nə baş verirsə bu, mənim məsuliyyətimdir."
Facebook şirkətinin icraçı direktoru Mark Zukerberq Konqresdə keçirilən dinləmərdə ABŞ senatorları qarşısında ifadə verib. Zukerberq bundan öncə milyonlarla istifadəçi ilə bağlı məlumat bazasından informasiya axını ilə bağlı üzr istəyib.
Dinləmələr Senatın Ədliyyə və Maliyyə komitələrində keçirilib. Çərşənbə günü isə Zukerberq Nümayəndələr Palatasında qanunvericilər qarşısında ifadə verəcək.
Ədliyyə komitəsinin sədri Çak Qrassli bildirib ki, "istifadəçilər onlarla bağlı məlumatların necə bölüşdürüldüyü və təhlükəsizliyin necə təmin olunduğunu bilməyə layiqdir". Senator həmçinin Zukerberqlə innovasiyalarla təhlükəsizlik arasında müvazinətin necə təmin edildiyi ilə bağlı müzakirə aparmaq istəyir.
"Əgər sən və başqa sosial media şirkətləri öz işinizi qaydasına qoymasaz, onda bizim heç birimizdə özəl məlumat qalmayacaq," Demokrat Senator Bill Nelson deyib. "Əgər Facebook və başqa şirkətlər insanların özəl məlumatlarlına müdaxiləni dayandıra bilməyəcəklərsə, onda bu işi biz etməli olacağıq - Konqres."
Mark Zukerberq qanunvericilərlə Vaşinqtonda bazar ertəsi özəl görüş keçirib. O, görüşlə bağlı açıqladığı yazılı mesajında bildirib ki, sosial media şirkəti özünü və istifadəçilərini qorumaq üçün daha çox işlər görməli idi.
Zukerberq keçən ay Facebook şəbəkəsinin milyonlarla istifadəçisi haqda məlumatların onların xəbəri olmadan Britaniyanın Cambridge Analytica şirkəti tərəfindən toplandığı haqda xəbərlərin verilməsindən sonra Konqresdə ifadə verməyə çağırılıb. ABŞ prezidenti Donald Trampın kampaniyası 2016-cı ildə potensial seçiciləri səsverməyə cəlb etmək üçün Britaniya şirkətinin xidmətlərindən istifadə edib.
Dünyada
-
PARİS, 26 iyul (Reuters) – Fransanın prezidenti Emmanuel Makron cümə günü idmançıların Sen boyunca alqışlandığı, rəqqasların Parisin damlarına çıxdığı və Ledi Qaqanın Fransız kabare mahnısını oxuduğu yağışlı mərasimdən sonra Olimpiya Oyunlarını açıq elan etdi.
-
Olimpiadanın açılışına bir neçə saat qalmış Fransanın dəmir yolu şəbəkəsində diversiya olub. Böyük miqyaslı fasilələr 800 min sərnişinə təsir edir, Londondan Parisə Eurostar qatarlarında səyahət vaxtı artacaq.
-
Trampın Ukraynaya Amerika silahlarını almaq üçün lazım olan qədər pul vermək və onların istifadəsinə qoyulan bütün məhdudiyyətləri aradan qaldırmaq imkanı olacaq, Pompeo xəbərdarlıq edib. Moskva Qərbin bu cür hərəkətlərinə cavab vəd edib.
-
Cümə axşamı Filippin sahillərində sənaye yanacağı daşıyan dəniz tankeri batması bir ekipaj üzvünün ölməsinə və neftin dağılmasına səbəb olub, neft paytaxt Manila yaxınlarında sulara yayıla bilər, bu barədə rəsmi şəxslər məlumat verib.
Rəy yaz