Türkiyənin cənub-şərqində güclü zəlzələ: 76 nəfər həlak olub, 440 nəfər yaralanıb

6 fevral səhər saat 06.30-a olan məlumata görə, Türkiyənin Kahramanmaraş əyalətinin Pazarcık rayonunda 7,4 bal gücündə zəlzələ nəticəsində ölkənin yeddi şəhərində 76 nəfər həlak olub, ən azı 440 nəfər yaralanıb.

Təkanlar yaxınlıqdakı əyalətlərdə, əsasən Hatay, Osmaniyə, Adıyaman, Qaziantep, Şanlıurfa, Diyarbəkir, Malatya və Adanada hiss olunub. Türkiyədə ən yüksək təhlükə səviyyəsi elan edilib. Hakimiyyət beynəlxalq yardım üçün müraciət edib.

Türkiyə Silahlı Qüvvələrinin Baş Qərargahı təbii fəlakət zonasına yardım və xilasetmə briqadalarının daşınması üçün iki təyyarə ayırıb. Türkiyə prezidenti Rəcəb Tayyib Ərdoğan Adana, Malatya, Qaziantep, Diyarbəkir, Hatay, Adıyaman, Osmaniyə və Şanlıurfa şəhər valiləri (icra başçıları) ilə telefonla  danışıb.

Dövlət başçısına zəlzələnin nəticələri və axtarış-xilasetmə işlərinin gedişi barədə məlumat verildi. Türkiyədə dağıdıcı zəlzələ qonşu ölkələrdə , o cümlədən Suriya, Livan, Şimali Kipr Türk Cümhuriyyəti,  İraqda hiss olunub.

Son məlumatlara görə, Suriyanın İdlib, Hələb, Hama, Latakiya və Rakka əyalətlərində ən azı yüz nəfər həlak olub yüzlərlə adamın axtarışı davam edir.