![© Фото : Министерство обороны Украины](https://turan.az/resized/media/2022/main/030700045847-750-500-resize.webp)
© Фото : Министерство обороны Украины
Ukrayna: 8 mart saat 02.00-a olan məlumat
Bakı/08.03.22/Turan: Ukrayna Baş Qərargahının məlumatına görə, Rusiya ordusu aviasiyanın dəstəyi ilə və raket zərbələri endirməklə Ukraynaya qarşı hücum əməliyyatını davam etdirir, xüsusən, Kiyevin ətrafı hədəf alınır.
"Gün ərzində düşmən Kiyevə hücumu təşkil etmək üçün yenidən qruplaşma həyata keçirib. Hücum üçün Ramzan Kadırov adına xüsusi Rusiya qvardiyası alayının tərkibinə daxil olan döyüş qabiliyyəti ən yüksək olan hissələrin və bölmələrin (Qroznı), 27-ci "Kuzbass" xüsusi təyinatlı dəstəsinin (Kemerovo), Rusiya Qvardiyasının 604-cü "Vityaz" Xüsusi Təyinatlı Mərkəzinin (Moskva) və "Liqa" özəl hərbi şirkətinin (keçmiş "Vaqner" ÖHŞ) cəlb edilməsi planlaşdırılır", deyə məlumatda bildirilir.
Baş Qərargahdan qeyd edirlər ki, Polesskoe istiqamətində düşmən RF SQ-nin 29, 35, 36-cı ümumqoşun ordularının ayrı-ayrı bölmələrinin, Şərq Hərbi Dairəsinin Sakit Okean Donanmasının və RF SQ Hava-Desant Qoşunlarının qüvvəsi ilə Polesskoe, Povar, Borodyanka, Bışev, Qoreniçi, Demidov rayonlarında yaşayış məntəqələrini hədəf alıb.
"Bışev yaşayış istiqamətində düşmən RF SQ-nin 36-cı ümumqoşun ordusunun ikiyə qədər BTQr qüvvəsi ilə manevr edib və irəliləməyə çalışır", deyə məlumatda bildirilir.
Tarasovşina, Rakovka yaşayış məntəqələri istiqamətində düşmən 98-ci hava-desant diviziyasının tərkibindən 155-ci əlahiddə dəniz piyadası briqadasının BTRq ilə birlikdə Rakovka rayonunda İrpen çayını keçdikdən sonra hücum əməliyyatlarına başlayıb, amma canlı qüvvədə və texnikada böyük itkilər verib, hücum potensialının bir hissəsini itirib və dayandırılıb.
Martın 8-də səhər RF MN-in Ukrayna ilə bağlı hərbi məlumatları dərc edilməyib.
RF prezidenti Vladimir Putin bildirib ki, nə müddətli xidmətdə olan hərbi qulluqçular, nə ehtiyatda olan qulluqçular Rusiyanın Ukraynada hərbi əməliyyatlarına cəlb edilməyib və edilməyəcək, xəbəri TASS yayıb.
"Qeyd edim: döyüş əməliyyatlarında müddətli xidmət keçən əsgərlər iştirak etmir və etməyəcək və əlavə olaraq ehtiyatda olanlar çağırılmayacaq. Qarşıya qoyulan vəzifələri yalnız peşəkar hərbiçilər həll edir", deyə Rusiya lideri Kremlin saytında yerləşdirilmiş 8 Mart münasibətilə qadınlara videomüraciətində bildirib. -0-
-
- Analitika
- 8 Mart 2022 09:07
Dünyada
-
Reuters: Bu ilin COP29 BMT iqlim danışıqlarına üç aydan az qalmış, ölkələr sammitin ən böyük vəzifəsi olan inkişaf etməkdə olan ölkələrin iqlim dəyişikliyinə uyğunlaşmasına kömək etmək üçün yeni maliyyələşdirmə hədəfi üzərində razılığa gəlməkdən uzaqdır.
-
Sir Keir Starmerin Ukraynaya dəstək məsələsində effektiv qlobal liderlik göstərmək səyləri, Downing Street-in Kiyevə Rusiya ərazisində dərin hücumlar başlatmaq üçün həlledici imkanlar təmin edə bilməməsi ilə müəyyən qədər zəiflədilir.
-
Ukrayna Prezidenti Volodimir Zelenski cümə günü ölkənin hava qüvvələri komandanını vəzifədən azad etdi, bu hadisə, Ukraynanın Qərb tərəfdaşlarından aldığı F-16 təyyarəsinin Rusiya bombardmanı zamanı qəzaya uğraması və pilotun həyatını itirməsindən dörd gün sonra baş verdi.
-
Kamala Harris, prezidentliyə Demokratların namizədi kimi ilk rəsmi müsahibəsində ABŞ-ın cənub sərhədində miqrasiyaya daha sərt yanaşma tətbiq edəcəyini və İsrailə silah göndərilməsini davam etdirməyi dəstəklədiyini bəyan etdi.
Rəy yaz