"Şəfəq-Asiman" yatağında qaz-kondensat ehtiyatları aşkarlanıb

Bakı/24.03.21/Turan: “Şəfəq-Asiman" dəniz yatağında 7189 metr dərinlikdə qaz-kondensat ehtiyatları aşkarlanıb. Bu barədə çərşənbə günü Azərbaycan Dövlət Neft Şirkətinin məlumatında deyilir.

Yatağın dəqiq ehtiyatlarının aşkar edilməsi üçün əlavə kəşfiyyat qazmaları aparılacaq.

Qeyd edək ki, bu dərinsulu yatağın kəşfiyyatı və işlənməsi üzrə layihə Azərbaycan Dövlət Neft Şirkəti tərəfindən Britaniyanın Britiş Petroleum şirkəti ilə birgə həyata keçirilir.

“Şəfəq-Asiman" üzrə müqavilə 2010-cu ilin oktyabrında Azərbaycan Dövlət Neft Şirkəti və Böyük Britaniyanın BiPi dövlət şirkəti arasında 30 il müddətinə imzalanıb. Birinci mərhələdə iki quyunun qazılması nəzərdə tutulur.

Zərurət yaranarsa, ikinci mərhələdə daha iki quyu qazıla bilər. İstismar müddətinə keçməklə tərəflər birgə layihə üzərində əməliyyat aparacaqlar. Müqavilədə iştirak payı 50-50-dir.

"Şəfəq-Asiman" blokunun proqnozlaşdırılan ehtiyatları 500 milyard kubmetr qaz və 65 milyon ton kondensat təşkil edir.

Blok Bakıdan 125 kilometr cənub-şərqdə yerləşir. Orada əvvəllər kəşfiyyat qazma işləri aparılmayıb. "Şəfəq-Asiman" dənizin 650-800 metr dərinliyində yerləşir, rezervuarın dərinliyi yeddi min metrdir. -0-