Azərbaycanda fəaliyyət göstərən bankların ümumi gəlirləri 2012-ci ildə 1625,13 mln manat olub. Bu, 2011-ci illə müqayisədə 204,39 mln manat və ya 14,4% çoxdur.
Hesabat dövründə bankların xərcləri 172,03 mln manat və ya 15,3% artaraq 1296,76 mln manat təşkil edib. Aktivlər üzrə ehtiyat ayırmalar 25,6 mln manat və ya 19,1% artaraq 159,73 mln manat (aktivlər il ərzində 26,5% artıb) olub.
AMB-dən Turan-a verilən məlumata görə, bank gəlirlərinin strukturunda əsas hissə faiz gəlirlərinin payına düşüb – 77,4%,. Xərclərdə faiz ödəmələri eyni nisbətdədir.
Bank sisteminin yekun mənfəəti 130,01 mln manat olub. Bu, 2011-ci ildəkindən 8,1% azdır.
Ötən il 33 bank rentabelli işləyib. Onların ümumi xalis mənfəəti 195,51 mln manat olub. 10 ziyanla işləyən bankın itkisi 65,50 mln manat təşkil edib. 2011-ci illə müqayisədə mənfəətli bankların sayı 3 vahid artıb. Ziyanla işləyən bankların sayı o qədər azalıb, onların ümumi itkisi isə 41,6% artıb. --15B--
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz