![2012-ci ildə iqtisadiyyatın uzunmüddətli və qısamüddətli kreditləşməsi proporsional artıb](https://turan.az/resized/./turan-750-500-resize.webp)
2012-ci ildə iqtisadiyyatın uzunmüddətli və qısamüddətli kreditləşməsi proporsional artıb
2012-ci ilin dekabrında ölkə iqtisadiyyatına kredit qoyuluşunun qalığı 678,1 mln manat və ya 5,6% artaraq 12720,5 mln manat olub.
Azərbaycan Mərkəzi Bankının məlumatına görə, il ərzində kreditləşmədə 27,8% (bir il əvvəl 8,6%) artım olub. Vaxtı keçmiş kreditlərin kreditləşmənin ümumi həcmində xüsusi çəkisi 1 yanvar üçün 5,9% təşkil edib. Bir il əvvəl o, 6,4% idi.
Qısamüddətli kreditlər il ərzində 27,3%, uzunmüddətlilər 28,1% artıb. Sonuncuların qalığı 8835,4 mln manat olub. Uzunmüddətli kreditlərin xüsusi çəkisi 69,5% təşkil edib. İl ərzində 0,2% artım olub.
Kredit qoyuluşunun ümumi həcmində özəl bankların payı 65%, Beynəlxalq Bankın payı 32,5% olub. Qalan 2,5% qeyri-bank kredit təşkilatlarının payına düşüb.
Banklar tərəfindən iqtisadiyyatın real sektoruna bütün kreditlərin 98,6%-i, maliyyə sektoruna 1,4%-i yönəldilib. 1 yanvar 2013-cü il üçün fiziki şəxslərə 4316,7 mln manat və ya ümumi göstəricinin 33,9%-i, xidmət və ticarət sahəsinə 2649,3 mln manat və ya 20,8%, energetika və təbii ehtiyatlara 496,7 mln manat və ya 3,9%, tikinti və əmlak sahəsinə 1270,3 mln manat və ya 10,0%, sənaye və istehsala 1297,6 mln manat və ya 10,2%, nəqliyyat və rabitəyə 805,9 mln manat və ya 6,3%, kənd təsərrüfatı və emala 546,2 mln manat və ya 4,3% və s. kredit verilib.
Xarici valyuta ilə kredit payı 32,9% olub. 2011-cu ilin müvafiq tarixi üçün iqtisadiyyatın xarici valyuta ilə kreditləşməsinin payı 35,4% idi.
Kredit qoyuluşunun 87,8%-i Bakının payına düşüb. Vaxtı keçmiş kreditlərin 86,5%-i də paytaxtın hesabındadır. Ölkə üzrə orta kredit dərəcəsi 15,4% olub.
AMB-nin məlumatına əsasən, manat kreditləri üzrə orta faiz dərəcəsi dekabrda 0,06% artaraq 15,20%, xarici valyuta ilə kreditlərdə 0,18 f. b. artaraq 15,80% olub. İllik kəsimdə manat resursları 1,07 f.b., valyuta resursları 0,99 f.b. ucuzlaşıb.
Bu ilin 1 yanvarı üçün manat kreditləri fiziki şəxslərə illik 18,25%-lə, valyuta kreditləri 22,06%-lə verilib. Hüquqi şəxslər üçün bu göstərici müvafiq olaraq 13,32% və 13,22% təşkil edib. --15В--
-
- Siyasət
- 22 Fevral 2013 13:06
-
- İqtisadiyyat
- 22 Fevral 2013 13:20
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz