2012-ci ildə rübdə birja valyuta hərracı 27% azalıb

Bakı Banklararası Valyuta Birjasının (BBVB) valyuta bölməsində hərrac həcmi 2012-ci ilin dekabrında $81,223 mln və ya 63,73 mln manat olub. 

Ötən ayla müqayisədə birja valyuta hərracının ümumi həcmi 1,93 mln manat və ya 3,1% artıb, 2011-ci ilin dekabrı ilə müqayisədə 3,2 dəfə azalıb. 

 Hesabat dövründə hərracların birja elektron sistemində hər bir əqdin orta həcmi USD/AZN üzrə $2,461 mln, orta günlük dövriyyə $3,692 mln olub. 

 Dekabrda BBVB valyuta bölməsinin hərraclarında 13 bank iştirak edib. Hesabat ayında BEST-də 44 hərrac sessiyası keçirilib və 33 əqd qeydiyyata alınıb. 

Milli valyutanın USD/AZN_TOD aləti üzrə birja məzənnəsi hesabat ayında 0,23% - 1 USD üçün 0,7838-dən 0,7856-ya düşüb. Manatın ABŞ dollarına nisbətdə orta ölçülmüş məzənnəsi 1 USD üçün 0,7846 AZN təşkil edib. 

Ötən il BBVB-də valyuta hərracının ümumi həcmi 738,15 mln manat olub. Bu, əvvəlki ildəkindən 27% azdır. 

 Hesabat ayında BEST-də ABŞ dolları ilə hərracların ümumi həcmi 737,837 mln manat ($940 mln) olub. EUR/AZN aləti ilə illik hərrac həcmi 0,312 mln manat olub (0,300 mln EUR). Bu, 2011-ci ildəkindən 52 dəfə azdır. 

Ötən il BEST-də 486 hərrac sessiyası keçirilib və onlarda 20 bank iştirak edib. --15B--