Bank Technique 2012-ci ilin IV rübündə 35,73 mln manat mənfəət əldə edib.
«Rüb ərzində bankın mənfəəti kredit portfelinin keyfiyyətinin yaxşılaşması, nəticədə ehtiyat həcminin azalması fonunda baş verib. Bankın menecerlər komandası aktivləri səmərəli idarə edir, gələn rüb daha yaxşı nəticələr olacaq»,- deyə bankda məlumat veriblər.
Bundan başqa, IV rübdə Bank Technique-nın qeyri-faiz gəlirləri 30% artaraq 4,2 mln manata çatıb. Bankın aktivləri 4% artaraq 1 yanvar 2013-cü il üçün 418 mln manat olub.
«Bizim üçün əsas göstəricilərdən olan depozit portfeli də artıb və bu, əhalinin banka etimadını əks etdirir. Dördüncü rübdə cəlb edilən vəsaitlər 10% artaraq 177 mln manata çatıb»,- deyə qeyd ediblər.
IV rübün yekunu üçün bankın likvidliyi 47%-dir (AMB minimal səviyyəni 30% müəyyən edib).
Bankın məcmu kapitalı 40,5 mln manata çatıb.
«Biznes proseslərin yenilənməsi, xərclərin optimallaşması, infrastrukturun yaxşılaşdırılması, problemli kreditlərin qaytarılması üzrə aktiv fəaliyyət bu tərəqqi üçün əsas olub»,- deyə bank məlumat verir.
Qeyd edək ki, 2012-ci ilin mayında Bank Technique-nın (əvvəllər Texnika Bank) yeni İH-i formalaşdırılıb, iyunda Müşahidə Şurasının yeni tərkibi müəyyən edilib.
Bu gün bankın 32 filial və 13 şöbəsi var.—15D--
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz