Gələn ildən etibarən Azərbaycan Respublikası Dövlət Neft Fondu (ARDNF) dövlət əhəmiyyətli iki iri layihəni maliyyələşdirməyə başlayacaq. Bu, Transanadolu qaz kəməri (TANAP) çəkilməsi və Qaradağ rayonunda ARDNŞ-nin yeni neft-kimya kompleksiniin tikintisidir. Bu barədə bu gün 2013-cü il üçün Azərbaycan dövlət büdcəsinin müzakirəsi üzrə parlament komissiyasının iclasında çıxış edən ARDNF icraçı direktoru Şahmar Mövsümov bildirib.
Onun sözlərinə görə, 2013-cü il üçün Neft Fondunun gəlirləri 11.819 mlrd. manat (hazırki kursla 15,1 mlrd. dollar), xərcləri isə 13.599 mlrd. manat (17,3 mlrd. dollar) proqnozlaşdırılır. ARDNF büdcəsinin defisiti 1,78 mlrd. manat (2,2 mlrd. dollar) təşkil edəcək Neft Fondunun öz aktivləri hesabınaa ödəniləcək. Maraqlıdır ki, ARDNF-nin 12 illik fəaliyyəti ərzində ilk dəfə büdcəsi defisitli olacaq.
Fond büdcəsinin gəlirləri bir barrel Azərbaycan neftinin qiymətinin orta illik ixrac qiyməti 100 dollar götürülərək formalaşdırılıb.
ARDNF icraçı direktoru həmçinin bildirib ki, gələn il fondun vəsaitlərinin aşağıdakı layihələrə göndərilməsi planlaşdırılır:
- ölkənin dövlət büdcəsinə trasferlər – 11,35 mlrd. manat;
- qaçqınların və məcburi köçkünlərin sosial vəziyyətinin yaxşılaşdırılması – 300 mln. manat;
- Bakı-Tbilisi-Qars dəmir yolu layihəsi – 138 mln. manat;
- Azərbaycan tələbələrinin xaricdə təhsili – 34 mln. manat;
- Samur-Abşeron kanalı layihəsinin yekunlaşdırılması – 27. mln. manat. -12B-
İqtisadiyyat
-
Azərbaycanın qlobal ticarətdə mövqeyini gücləndirmək istiqamətində əhəmiyyətli bir addım olaraq, Biznes Mühiti və Beynəlxalq Reytinqlər Komissiyasının "Beynəlxalq Ticarət" işçi qrupu videokonfrans keçirdi. Görüş zamanı əldə edilmiş irəliləyişlər müzakirə edildi və 2025-ci il üçün hədəflər müəyyənləşdirildi. Görüşdə əsas iştirakçılar arasında İqtisadiyyat nazirinin birinci müavini Elnur Əliyev, İqtisadi İslahatların Monitorinqi və Qiymətləndirilməsi Sektorunun rəhbəri Vüsal Şıxəliyev və Dövlət Gömrük Komitəsi sədrinin müavini Natiq Şirinov yer alıb.
-
Azərbaycanın İqtisadiyyat Nazirliyi və Azərbaycan İxracın və İnvestisiyaların Təşviqi Agentliyinin (AZPROMO) təşəbbüsü ilə bu həftə Bakıda mühüm ixracatçılar görüşü keçirildi. Tədbir hökumət rəsmiləri, sənaye liderləri və sahibkarları bir araya gətirərək, son bir il ərzində ixrac əməliyyatlarında əldə olunan irəliləyişi nəzərdən keçirmək və 2025-ci il üçün iddialı hədəflər müəyyənləşdirmək məqsədi daşıyırdı.
-
Dövlət Gömrük Komitəsinin məlumatına görə, bu ilin ilk on bir ayı ərzində Azərbaycan dəmir yolu ilə 6,96 milyon ton yük daşımış və bu yüklərin dəyəri 3,01 milyard dollar təşkil etmişdir. Bu, 2023-cü ilin eyni dövrü ilə müqayisədə həcm baxımından 4%, dəyər baxımından isə 10,1% azalma deməkdir.
-
Azərbaycan Respublikasının Nazirlər Kabineti ölkənin rəqabət qanunvericiliyi çərçivəsində sazişlərin təsdiqlənməsini tənzimləyən qaydalar qəbul edib. Bu addım hüquqi çərçivəyə uyğunluğu artırmaq və bazar şəffaflığını gücləndirmək məqsədi daşıyır.
Rəy yaz