“Azərişıq” ASC 2015-ci il üçün maliyyə-iqtisadi hesabatını açıqlayıb.
Məlumata əsasən, ötən il şirkəti ciddi ziyanla işləyib.
2015-ci ildə şirkətin xalis itkisi 31,287 mln manat olub. Bir il öncə şirkət 5,189 mln manat mənfəət əldə etmişdi.
“Azərişıq” ASC-nin bölünməyən mənfəəti 2,4 dəfə - 120,036 mln manatdan 50,136 mln manata azalıb.
“Azərişıq” ASC-nin aktivləri ötən il 1322,973 mln-dan 2027,923 mln manata, nizamnamə kapitalı 623,534 mln-dan 1319,208 mln manata artıb.
2015-ci ildə şirkətin debitor borcları 465,364 mln-dan 524,257 mln manata artıb. Operator yığım perspektivinə şübhə ilə yanaşır və 26,213 mln manat ehtiyat yaradıb.
2015-ci ildə elektrik enerjisinin maya dəyəri 377,751 mln-dan 679,953 mln manata artıb. Debotor borcları nəzərə alınsa, belə çıxır ki, operator satılan elektrik enerjisinin qiymətinin 22,8%-i toplaya bilib, deyə abc.az portalı bildirir.
Elektrik enerjisinin satışı 427,254 mln-dan 756,785 mln manata artıb. Debotor borcları nəzərə alınsa, abunəçi ödənişi satışın 31,7%-I qədər olub.
Turan xatırladır ki, “Azərişıq” ASC “Azərenerji”yə olan borcunu ödəmək qabiliyyətində deyil. Sonuncunun isə 2016-cı ilin I rübü üçün SOCAR-a aldığı qaza görə 350 mln manat borcu var. Beləliklə, dövlət müəssisələri arasında maliyyə intizamı pozulub.–12В--
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz