"Azəri-Çıraq-Günəşli" yatağını işləyən konsorsium 2015-ci ildə hasilatı artırmağı planlaşdırır. Bu barədə Turan-a ВР-dəki mənbə məlumat verib.
ВР təmsilçisinin sözlərinə görə, AÇG-də hasilatı artırmaq üçün “Qərbi Çıraq” hasilat platformasında yeni quyular qazılacaq. Bu, hasilatı artırmağa imkan verəcək. İkincisi, 2014-cü ildə iki əsas platformada – “Mərkəzi Azəri” və “Qərbi Azəri”də təmir-modernləşmə işləri başa çatacaq və bu platformalar sayəsində blok tam gücü ilə istismar ediləcək. Nəticədə hasilat artacaq.
2013-cü ildə AÇG-də hasilat 32,5 mln ton olub. 2014-cü ildə hasilat bir qədər azalacaq.
Kontraktda pay bölgüsü belədir: ВР (operator) - 35,78%, ARDNŞ - 11,65%, Chevron - 11,27%, Inpex - 10,96%, Statoil - 8,56%, Exxon – 8%, ТРАО - 6,75%, Itocu - 4,3% və ONGC - 2,72%. –12C--
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz