2015-ci ildə Azərbaycanda 150 min tondan çox metanol istehsal edilib

Dövlət Gömrük Komitəsinin (DGK) məlumatna görə, 2015-ci ildə Azərbaycanda 153,3 min ton metanol istehsal edilib.

DGK bildirib ki, 2014-cü ildə ölkədə metanol istehsal olunmayıb. Lakin Azərbaycanda yeganə metanol istehsalçısı olan AzMeCo şirkətinin 2014-cü dekabrın 25-nə olan məlumatına görə,  2014-cü ilin avqustundan ilin sonunadək dünya bazarına 100 min ton metanol çıxara bilib.

  2015-ci ildə zavod bir neçə dəfə öz fəaliyyətini dayandırıb. Mayın əvvəlində xammal çatışmazlığından istehsal xətləri dayandırılıb. Dövlət Neft Şirkəti qaz nəqlini dayandırıb. Zavod öz işini sentyabrın ikinci yarısında Rusiyadan xammal aldıqdan sonra bərpa edib. Rusiya qazının nəqlinə başlanılıb. Lakin bir ay sonra yenidən nəql dayandırılıb.  AzMeCo nümayəndələri bildiriblər ki, cəmi 100 mln. kubmetr qaz idxal olunub və Rusiya qazının qiyməti istehsal edilən metanolun dünya bazarında rəqabətqabiliyyətli olmasına imkan verməyib. Bundan sonra KİV-ə istehsalın bərpası barədə məlumat daxil olmayıb: şirkətin SOCAR-dan qaz alqısına dair sazişi də yoxdur.

* Azərbaycan metanol zavodunun inşasına  2009-cu ildə başlanılıb. 2013-cü ilin sonlarında istismara verilib. Zavoda $450 mln.-a yaxın investisiya qoyulub. Lakin zavod rəhbərliyinin

Beynəlxalq Bank və AYİB-dən götürülən krediti hansı yolla qaytarmaq niyyətində olduğu hələlik məlum deyil. –12D--