Bu ilin 9 ayı ərzində Əmlak Məsələləri Dövlət Komitəsi 580-dən çox müəssisə və obyekti hərrac və birbaşa müqavilə ilə satıb. Bu barədə qurumun ictimaiyyətlə əlaqələr sektoru məlumat yayıb.
Dövlət əmlakının özəlləşdirilməsi ƏMDK-nin 9 ayın yekunlarına həsr edilmiş iclasında müzakirə edilib. Hazırda obyektlərin altındakı dövlət torpaqlarının özəlləşdirilməsinə xüsusi diqqət ayrılıb. İlin əvvəlindən 450-dən çox obyektin yerləşdiyi torpaq sahəsi özəlləşdirilib. 380-dən çox qeyri-yaşayış sahəsi və 310-dan çox torpaq sahəsi hüquqi və fiziki şəxslərə icarəyə verilib.
Azərbaycanda «kiçik» və «böyük» özəlləşmə başa çatır. Bu ilin 9 ayı ərzində 39 pul hərracında 28 səhmdar cəmiyyətin səhmləri özəlləşdirilib. ƏMDK-nin hesabatına görə, dövlətin 164 SC-də payı var. komitənin sərəncamında olan dövlət müəssisələrindən 55-i növbəsini gözləyir.
1996-2013-cü illərdə 43 965 kiçik müəssisə və obyekt, o cümlədən avtonəqliyyat vasitəsi (13 357 ədəd) özəlləşdirilib.
Naxçıvan MR-da 2003-cü ildən özəlləşmə öz mülahizələri ilə həyata keçirilir. 08D
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz